प्रदेश कांग्रेस संचार विभाग के अध्यक्ष सुशील आनंद शुक्ला ह पत्रकारवार्ता ल संबोधित करत कहीस की भाजपा चुनाव म हारत भाजपा स्तरहीन षडयंत्र पर उतर गे हे। भूपेश बघेल छत्तीसगढ़िया मुख्यमंत्री हे छत्तीसगढ़ के संस्कृति खान-पान रीति-रिवाज ल संवर्धित करत ओला आगे बढ़ावत हे भाजपा ह दिल्ली ले आये नेता भूपेश बघेल के माखौल उड़ावत हे। भाजपा के दिल्ली के नेता छत्तीसगढ़ के संस्कृति ल कनेखी ले देखत हे।
रमन सिंह ह ओला नानकुन मनखे,चूहा,बिलई तक बता के मजाक उड़ाए रहिस। भाजपा ले बर्दास्त नई कर पावत हे एक छत्तीसगढ़िया मुख्यमंत्री के चर्चा मोदी के बराबर क़ाबर होवत हे। मुख्यमंत्री भूपेश बघेल के बूता के तुलना लोग मोदी ले बेहतर बतावत हे तेकर सेती भाजपाई गाली गलौज म उतर आये हे। ये भाजपा के फासीवादी चरित्र आय। छत्तीसगढ़ के मुख्यमंत्री ल बदनाम करे के षडयंत्र करत हे।
छत्तीसगढ़िया मुख्यमंत्री ल बदनाम करे के साजिश रचत हे। झूठे आरोप ऊपर अउ गाली गलौज पर भाजपा के नेता उतर गये हे। ये भाजपा के बौखलाहट ल दिखावत हे। ये बर्ताव ले दिखत हे की भाजपा अब के बार दहाई के अंक तक नई पहुंच पावय। प्रधानमंत्री ईडी के माध्यम ले गलत कार्यवाही करवा के एक मनखे के बयान के हवाला दे के मुख्यमंत्री के छवि खराब करे के षड्यंत्र पूर्वक प्रेस नोट जारी करवात हे , फेर उही आधार पर बेशर्मी पूर्वक भाषण देवत हे। जउन ड्राइवर के कथित बयान ऊपर मुख्यमंत्री के छवि खराब करे के कोशिश करे गे हावय। ओकर ले कोर्ट म बयान दे के ईडी अउ भाजपा के षड्यंत्र का खुलासा करत हावय। अब प्रधानमंत्री म नैतिकता बचे हावय मुख्यमंत्री भूपेश बघेल ले माफी मांगव।
जनता फेर मन बना डरे हावय की फेर बनही कांग्रेस के सरकार
दूसर चरण के मतदान दु दिन बाद हे प्रदेश, जनता ह मन बना डरे हावय की प्रदेश म एक बार फेर कांग्रेस के सरकार बनाना हे। कांग्रेस के सरकार ह पाछु ५ बछर म अपन २०१८ म अधिकांश ९८ प्रतिशत वादा ल पूरा करे हावय। हमन अवइया पांच बछर बर फेर २१ नवा वादा मनखे ले करे हे। जनता हमर घोषणा पत्र म करे वादा ऊपर भरोसा करही क़ाबर की हमन जउन कहिथन ओला करथन। हमन धान के कीमत ३२०० रू. म देंही किसान मन के कर्जा फेर माफ करेही।
मोदी के गारंटी के कोनो गारंटी नई
मोदी के गारंटी के कोनो गारंटी नई, जउन मोदी १५ लाख दे के वादा ल घलो भूल गे हावय,, २ करोड़ युवा मन ल रोजगार दे के वादा ल घलो भूल गे, १०० दिन म महंगाई कम करे के वादा ल घलो भूल गे, किसान मन के आय दुगुना करे के वादा ल घलो पूरा नई करीस आज तक पूरा नई होइस।
ओकर का गारंटी हे।
भाजपा वोट ले बर फेर किसान मन ल ठगना चाहत हे। धान के कीमत ३१०० रू. करे के घोषणा करे रहिस त बतावय का केन्द्र धान के समर्थन मूल्य बढ़ा के ३१०० रू. करही। क़ाबर की मोदी जी ह धान के कीमत समर्थन मूल्य ले १ रू. घलो ज्यादा दे के विरोधी हे। कांग्रेस सरकार के २५०० रू. देके विरोध करे रहीस धमकी दे रहीस।अईसे म भाजपा मोदी सरकार के विरोध म जा के ३१०० रू. कइसे देही ये साफ करव।
२१००$३०० = २४०० दे के वादा तो २०१३ म घलो करे रहिस फेर नई दिस।
दूसर बड़ा झूठ २१ क्विंटल धान खरीदे के वादा घलो करे हावय।पहली २०१३ म घलो इहि वादा करे रहिस।फेर लिमिट घटा के १५ले १० कर दिस कइसे भरोसा करन की आप अपन वादा म कायम नई रहे हव? किसान के कर्जामाफी ऊपर कुछ नई बोलत हे।
वादा तो कर लेबे, भरोसा कोउन करही, क़ाबर करही?
५०० म सिलेंडर दे के बात घलो धोखा आय येकर केन्द्र सरकार सिलेंडर के दाम ४०० ले बड़ा के १०००के ऊपर करीस।
अब ये ५०० म सिलेंडर दे के बात करही। भाजपा सिर्फ बीपीएल (गरीबी रेखा के नीचे) वाले ल गैस सिलेंडर देही। कांग्रेस ह सबो वर्ग ल बिना भेदभाव के ५०० रू. सब्सिडी दे देवत हे मतलब सिर्फ ४७० म सिलेंडर मिलही।
कांग्रेस ह १७.५लाख आवास दे के वादा करे के नकल करके १८ लाख दे के बात करत हे। १५ बछर म सरकारी नवकरी के डहर बंद कर दे हावय। अब नवकरी दे के झूठा वादा करत हावय।
छत्तीसगढ़ म कांग्रेस ह १० लाख तक ईलाज के वादा करिस।उहू ल घलो नकल करत हे। राज्य म भूपेश सरकार २० क्विंटल धान के खरीदी शुरू कर डरे हे।ओकर नकल म २१ क्विंटल के बात भाजपा करत हावय।
