मंत्री परिषद के बैठक म लिए गिस कई महत्वपूर्ण फैसला : छत्तीसगढ़ म समर्थन मूल्य म धान खरीदी 01 नवंबर ले

रायपुर। मुख्यमंत्री भूपेश बघेल के अध्यक्षता म मंगलवार के ओकर निवास कार्यालय म मंत्री परिषद के बैठक आयोजित होइस। बैठक म कई महत्वपूर्ण निर्णय लिए गिस। खरीफ विपणन वर्ष 2023-24 म समर्थन मूल्य म धान अउ मक्का के उपार्जन अउ कस्टम मिलिंग के नीति के निर्धारण करे गिस। जेकर तहत भारत सरकार द्वारा घोषित समर्थन मूल्य के अनुसार धान अउ मक्का के उपार्जन करे जाही। समर्थन मूल्य म किसान मन ले खरीफ धान के नगद व लिकिंग म खरीदी एक नवंबर 2023 ले 31 जनवरी 2024 तक करे जाही। इही प्रकार खरीफ मक्का के खरीदी एक नवबंर 2023 ले 28 फरवरी 2024 तक करे जाही।

मुख्यमंत्री के घोषणा के अनुरूप किसान मन ले धान के खरीदी प्रति एकड 20 क्विंटल अउ मक्का प्रति एकड़ 10 क्विंटल लिकिंग सहित़ अधिकतम करे जाही। खरीफ विपणन वर्ष 2023-24 बर छत्तीसगढ़ राज्य सहकारी विपणन संघ मर्यादित ल धान उपार्जन बर शासकीय प्रत्याभूति (राशि 14 हजार 700 करोड़ रूपिया) के वैधता एक वर्ष बढ़ात हुए 31 अक्टूबर 2024 तक करे के निर्णय लिए गिस।
खरीफ विपणन वर्ष 2023-24 म उपार्जित धान के कस्टम मिलिंग ले प्राप्त परिणामी चावल के फोर्टिफिकेशन बर भारतीय राष्ट्रीय कृषि सहकारी विपणन संघ मर्या. (नेफेड) के माध्यम ले फोर्टिफाईड राईस कर्नेल (एफ.आर.के.) के आपूर्ति करे जाय के सहमति प्रदान करे गिस।
मुख्यमंत्री द्वारा करे घोषणा के परिपालन म पत्रकार मन ल नगर विकास योजना क्रमांक-4 कौशल्या माता विहार म मकान खरीदे म राज्य शासन के तरफ ले 15 प्रतिशत के छूट प्रदान करे के निर्णय के अनुमोदन करत हुए एकर प्रथम स्टेज प्राक्कलन के अनुसार 309 पत्रकार ल दे जाने वाला छूट के राशि 6 करोड़ 37 लाख 20 हजार 450 रूपिया रायपुर विकास प्राधिकरण ल स्वीकृत करे गिस। ग्राम डूण्डा, सेजबहार अउ बोरियाकला तहसील व जिला रायपुर म रियल स्टेट प्रोजेक्ट न्यू स्वागत विहार के स्वीकृत अभिन्यास अउ प्रभावित मन ल प्लाट उपलब्ध कराय के संबंध म निर्णय ले गिस कि पूर्व म स्वीकृत 8 ले-आउट ल निरस्त करे जाय। न्यू स्वागत विहार कॉलोनी ल अनधिकृत कालोनी मानत हुए नियमितीकरण के कार्यवाही करे जाय। कौशल्या माता विहार नगर विकास योजना म बिल्डर के कुछ भूमि के योजना ले पृथक करे बर डिनोटिफिकेशन करे के निर्णय ले गिस। ताकि प्रभावित मन ल भूखण्ड प्रदान करे जा सकय। नवा रायपुर अटल नगर म प्रस्तावित थोक व्यवसायिक बाजार या कमर्शियल हब परियोजना के आबंटन दर अउ भू-खण्ड आबंटन के प्रक्रिया निर्धारण के संबंध म निर्णय ले गिस कि मुख्यमंत्री के घोषणा के परिपालन म व्यापारी मन ल 945 रूपए के स्थान म 540 रूपिया प्रति वर्गफीट के दर ले भूखण्ड दिए जाही। एकर ले नवा रायपुर प्राधिकरण ल होने वाला क्षति के कुल राशि 117.86 करोड़ रूपिया के प्रतिपूर्ति राज्य सरकार द्वारा करे जाही। राज्य न्यायालयिक विज्ञान प्रयोगशाला रायपुर के अंतर्गत वैज्ञानिक अधिकारी (भौतिकी राजपत्रित, द्वितीय श्रेणी) ले वरिष्ठ वैज्ञानिक अधिकारी (भौतिकी राजपत्रित प्रथम श्रेणी) के पद म पदोन्नति बर न्यूनतम अर्हकारी सेवा 5 वर्ष म 4 माह के शिथिलीकरण करे के अनुमोदन करे गिस। जनसंपर्क विभाग म अपर संचालक के 03 पद वेतन मैट्रिक्स लेवल-15 (वेतनमान 118500-214100) सृजित करे के निर्णय ले गिस।
राजगामी संपदा के भूमि वाईडनर मेमोरियल स्कूल बर भूमि के आबंटन करे के निर्णय ले गिस।
रत्नेश्वर कुर्मि क्षत्रिय सेवा संस्थान रतनपुर ल शासकीय भूमि आबंटन अउ व्यवस्थापन म रियायत के निर्णय ले गिस।
आवेदक संस्था अध्यक्ष छत्तीसगढ़ हल्बा आदिवासी समाज भिलाई-दुर्ग ल आबंटित भूमि म रियायत प्रदान करे के निर्णय ले गिस। गोंड़ समाज जिला सरगुजा ल शासकीय भूमि आबंटन म रियायत प्रदान करे के निर्णय ले गिस। रजवार समाज सूरजपुर ल शासकीय भूमि आबंटन म रियायत प्रदान करे के निर्णय ले गिस। दिल्लीवार कुर्मी क्षत्रिय समाज राजनांदगांव द्वारा सामाजिक भवन के निर्माण बर भूमि आबंटन प्रदान करे के निर्णय ले गिस। तहसील साहू संघ छुरिया जिला राजनांदगांव ल सामाजिक भवन निर्माण बर भूमि आबंटित करे के निर्णय ले गिस।
हरदिया साहू समाज रायपुर अउ साहू समाज दुर्ग ल शासकीय भूमि आबंटन म रियायत प्रदान करे के निर्णय ले गिस। मनेन्द्रगढ़ नगरीय क्षेत्र म वर्ष 1959 के पूर्व के कब्जाधारी मन ल भूमि स्वामी हक प्रदाय करे के निर्णय ले गिस। राजस्व पुस्तक परिपत्र खण्ड 6 क्रमांक 4 म संशोधन के प्रारूप के अनुमोदन करे गिस। ग्राम पंचायत घुमका जिला राजनांदगांव ल नगर पंचायत बनाय जाय बर निर्धारित मापदण्ड म छूट प्रदान करे के निर्णय ले गिस। ग्राम पंचायत पोरथा जिला सक्ती ल नगर पंचायत बनाय जाय बर निर्धारित मापदण्ड म छूट प्रदान करे के निर्णय ले गिस। छत्तीसगढ़ राज्य हिन्दी ग्रंथ अकादमी म सुदीप ठाकुर ल संचालक (संविदा) नियुक्त करे के निर्णय ले गिस। रामेश्वर गहिरा गुरू प्राच्य संस्कृत महाविद्यालय श्री कोट जिला बलरामपुर-रामानुजगंज ल छत्तीसगढ़ अशासकीय महाविद्यालय अउ संस्था (स्थापना एवं विनियमन) अधिनियम 2006 के प्रावधान के अंतर्गत 100 प्रतिशत अनुदान प्रदान करे के निर्णय घलो ले गिस।