रायपुर ०१ फरवरी २०२३ रायपुर प्रेस क्लब म अध्यक्ष सहित पदाधिकारी मन के निर्वाचन करे बर १७ फरवरी के मतदान होही। कलेक्टर अउ जिला निर्वाचन अधिकारी ह ये संबंध म निर्वाचन कार्यक्रम के अधिसूचना जारी कर दीस हे प्रेस क्लब म निर्वाचन बर ०२ फरवरी २०२४ ले ०७ फरवरी २०२४ तक नाम निर्देशन पत्र कलेक्टोरेट परिसर स्थित कक्ष क्रमांक ११ म भरे जाही। प्रेस क्लब रायपुर के ये निर्वाचन ले अध्यक्ष, उपाध्यक्ष, महासचिव अउ कोषाध्यक्ष के एक-एक अउ संयुक्त सचिव के दो पदो उपर प्रत्याशी चुने जाही।
अपर कलेक्टर अउ निर्वाचन अधिकारी श्री बी.सी. साहू ह बताइस की रजिस्ट्रार फर्म्स अउ संस्था छत्तीसगढ़ उच्च न्यायालय के आदेश रायपुर प्रेस क्लब के कार्यकारणी के निर्वाचन कराये जावत हे ०२ फरवरी ले ०७ फरवरी २०२४ तक बिहनिया ११ से मंझनिया ०३ बजे तक नाम निर्देशन पत्र कलेक्टोरेट परिसर कक्ष क्रमांक ११ म जमा करे जाही ०८ फरवरी के बिहनिया ११ ले मंझनिया ०३ बजे तक नाम निर्देशन पत्र के संवीक्षा करे जाहि। ०९ फरवरी के मंझनिया ०३ बजे तक नाम वापस ले सकत हे। ०९ फरवरी २०२४ के ही मंझनिया ३ बजे के बाद निर्वाचन लड़इया अभ्यर्थि मन के सूची आखिरी प्रकाशन करे जाही। निर्वाचन लड़ही ओ अभ्यर्थि मन के सूची कलेक्टोरेट परिसर कक्ष क्रमांक ११, तहसील कार्यालय सहित प्रेस क्लब भवन म घलो प्रदर्शित करे जाही। प्रेस क्लब के पदाधिकारी मन के निर्वाचन करे बर मोतीबाग ठउर, प्रेस क्लब भवन म १७ फरवरी के बिहनिया ८ बजे ले संझा ४ बजे तक मतदान होही। मतों के गणना मतदान समाप्ति के तुरंत बाद १७ फरवरी २०२४ के ही प्रेस क्लब भवन रायपुर म करे जाही। नाम निर्देशन पत्र कलेक्टोरेट परिसर रायपुर के कक्ष क्रमांक ११ ले सकत हे। अध्यक्ष पद बर नाम निर्देशन पत्र के शुल्क २ हजार रूपये अउ अन्य पद मन बर १ हजार रूपये निर्धारित करे गे हावय।
