रायपुर। दीपोत्सव के बीच विकास उपाध्याय ह जनसंपर्क शुरू करिस, बिहनिया चार बजे ओ हिरापुर म गउरी-गउरा पूजन म शामिल होइस। ओहर रायपुरा के डिपरापारा म घलो गऊरी-गऊरा के आशीर्वाद लिस,ओला सोटा घलो मारिस अउ श्री उपाध्याय ह सबो के सुख, समृद्धि अउ स्वास्थ्य के कामना कीरिस। श्री उपाध्याय येकर बाद गुढ़ियारी म व्यापारी संघ, डीडी नगर म सिंधी समाज, गायत्री मंदिर म गौड़ ब्राह्मण अउ आयरन अउ स्टील एसोसिएशन के देवारी मिलन समारोह म शामिल होइस, ओहर यादव अउ सतनामी समाज के बईठक घलो लिस।
श्री उपाध्याय ह कहीस कि कांग्रेस के सरकार महतारी, बहिनी अउ बेटि मन के बारे म कतेक सोचथे येकर उदाहरण हमन पांच बछर ले आगु म लावत हे। लक्ष्मी पूजन के दिन हमरे मुखिया भूपेश बघेल ने गृह लक्ष्मी योजना की घोषणा करे हे जउन महतारी।, अउ बहनी ल समर्पित हे, जउन म सबो झन ल सालाना पन्द्रह हजार रूपये मिलही, यानि १२५० रूपये सबो महीना । अगर कोनो घर म महतारी, बहिनी अउ बेटी हे त सबो महीना तीन हजार ७ सौ ५० रूपये मिलही, जेकर ले ओला बड़े आर्थिक मदद मिलही। ओहर कहीस की घोषणा के बाद मैं जिहा भी जाहु उहाँ मातृशक्ति आरती उतार के ये घोषणा के तारीफ करत हे अउ कहिस की भूपेश हे त भरोसा हे। श्री उपाध्याय कहीस की हमर सरकार बनत हे छत्तीसगढ़िया मन बर अउ बहुत कुछ करे हावय, कांग्रेस ह अपन घोषणा-पत्र म जउन कुछु वादा करे हावय ओला हमन पूरा करबो जो, सँग ही जउन सुझाव आही ओकर अनुसार अउ योजना भी बनाये जाही ।
