सूचना अधिकार ऑनलाइ पोर्टल म छत्तीसगढ़ स्कूल शिक्षा विभाग अउ बहुत कन विभाग दर्ज नई करे हे अपन संस्था के नाव-

बिलासपुर। छत्तीसगढ़ शासन के कोती ले राज्य में सूचना अधिकार अधिनियम 2005 के तहत सूचना के अधिकार म पारदर्शिता लाये बर ऑनलाइन आवेदन के प्रक्रिया सुरु करे रहिस हे, जेखर बाद भी कई ठन अइसने विभाग हवय जेन मन अभी तक अपन विभाग के पंजीयन सूचना अधिकार के ऑनलाइन पोर्टल म नइ करे हे जेखर कारण ऑनलाइन सूचना अधिकार के उपयोग जनता मन नइ कर सकत हे,

प्रदेश म स्कूल शिक्षा विभाग के कोती ले शासकीय स्कूल में के पंजीयन पोर्टल म नइ होये ले आवेदक मन के कोती ले ऑनलाइन आवेदन नइ कर सकत हे, कुछ एक स्कूल के पंजीयन ऑनलाइ पोर्टल म हवय त उखर पूरा जानकारी पोर्टल म दर्ज नइ होये ले आवेदन के प्रकिया पूण नइ हो पाए, राज्य सरकार के कोती ल अच्छा पहल कर के छत्तीसगढ़ म घलोक ऑनलाइ RTI के नाव ले पोर्टल के सुरवात करे गे रहिस हे, फेर शासकीय विभाग अउ अधिकारी मन के बुता नइ करे के कारण काम ह पूरा नइ हो पाए हे।

जेन भी विभाग के पंजीयन अभी तक सूचना अधिकार के ऑनलाइन पोर्टल म नइ होये हे विभाग के अधिकारी मन ल संज्ञान ले के पोर्टल म सबो विभाव ल अपन पंजीयन पूण करये बर आदेश करना चाहि, जेखर से शासन कोती ले सुरु करे गे योजना के लाभ जनता मन ल मिल सकें।