ऋचा वर्मा ह कहीस, मोर सँग रेंगइया मोर सँग बूता करइया मन ह मोर परिवार सरिक हे,जेखर पँदोली पा के आगु बाढ़त हव
रायपुर। विधानसभा चुनाव पूरा होये के एक दिन बाद रायपुर विधानसभा क्षेत्र के जोहार छत्तीसगढ़ पार्टी के प्रत्याशी ऋचा वर्मा दीदी ह बुता करइया मन के आभार व्यक्त करें बर बईठक रखिस। पश्चिम क्षेत्र के सबों वार्ड के बूता करइया मन सँग क्षेत्र के मतदाता मन के डहर अपन आभार व्यक्त करत ऋचा वर्मा कहीस की ये सबो बूता करइया मन मोर परिवार सरिक हे।
ये जम्मो कार्यकर्ता मन ह १५ दिन के भीतर छत्तीसगढ़ म छत्तीसगढीयावाद ल बगरा के मोर छत्तीसगढ़ महतारी के मान सम्मान ल अउ ज्यादा बड़ा दिस। उकर प्रयास के प्रतिफल हे कि आज पूरा पश्चिम विधानसभा के मतदाता मन मोला पहिचाने ल धर लिस। ऋचा वर्मा दीदी कहीस की मोर कार्यकर्ता मन के संघर्ष सकारात्मक निःस्वार्थ भाव ले बूता करिस ओकर परिणाम लेके ३ दिसंबर के आगु म आही, जेकर बाद क्षेत्र के विकास के रूपरेखा मिल के बनाबो अउ पश्चिम विधानसभा क्षेत्र प्रदेश ल अपन संस्कृति अपन पहिचान के रूप म गढ़बोन।
इतवार के जोहार छत्तीसगढ़ पार्टी के प्रत्याशी ऋचा वर्मा ह विधानसभा चुनाव के दौरान अपन पूरा क्षमता के सँग चुनावी रण म अपन पूरा सहयोग प्रदान करे बर कार्यकर्ता मन के आभार बईठक रखीस। अपन कार्यालय म आयोजित ये आभार प्रदर्शन बईठक म बहुत भीड़ म महिला अउ पुरुष बूता करइया मन संघरे रहिन। ये बईठक म जोहार छत्तीसगढ़ पार्टी के सबो सियान, भाई, बहिनी मन संघरे रहीन।
ये आभार प्रदर्शन कार्यक्रम ल संबोधित करत रइपुर जोहार छत्तीसगढ़ पार्टी के रद्दा बतइया राजकुमार साहु (राजू साहु) कहीस की रइपुर म ये बार सबले ज्यादा चर्चा के सीट पश्चिम विधानसभा ही रइही।ओहर बुता करइया मन के मनोबल बढ़ावत कहिस की बहुत कम बेरा म १५ दिन के भीतर अतेक बड़े कारज ल जम्मो झन मिल के एक जुट होके एकता के परिचय दिस, अउ ये बीड़ा ल उठाइस जम्मो हमर भाई बहनी मन ल धन्यवाद आभार। सबो सीट म जोहार छत्तीसगढ़ पार्टी के जीत होये के तय दिखत हावय। सँग ही कहिस कि रइपुर म सबो सीट ले ज्यादा जोहार छत्तीसगढ़ पार्टी के सरकार बनत हावय। जोहार छत्तीसगढ़ पार्टी पश्चिम के प्रत्याशी कहीस की ये कार्यकर्ता मन के मेहनत के प्रति आभार व्यक्त करे के बेरा आय। ओकर मेहनत के प्रतिफल ३ दिसंबर के भव्य विजय रैली के तौर राजधानी म दिखही।
उही पश्चिम विधानसभा के चुनाव प्रत्याशी ऋचा वर्मा ल जम्मो झन मिल के भावी विधायक के तौर म शुभकामना दिस,अउ कार्यकर्ता मन ल सुग्घर बधाई दीस। उही मउका म ऋचा वर्मा जम्मो झन के आभार व्यक्त करत कहीस पश्चिम विधानसभा ले प्रत्याशी चुने जाए म अप्रत्याशित नई, बल्कि महतारी के कृपा हे, अउ जीत सुनिश्चित हे।
*ये बईठक रइपुर म होइस जउन म हमर मयारुक भाई बहिनी मन के सँग, राजकुमार साहू (राजु साहु) पुष्पेन्द्र वर्मा ,पोषण वर्मा ,राजकुमार वर्मा ,शेषनारायण चक्रधारी,सूरज निर्मलकार ,हेमंत साहू ,तोषण साहू ,मुकेश वर्मा ,राहुल साहू ,बिट्टू साहू,डब्बू साहू ,इंद्रकुमार चन्द्राकर सुनील वर्मा ,गोकुल साहू ,छोटू भैया, रूपेश देवांगन,नोहर भइया,चांदनी साहु, दिव्या देवांगन,हेमा सेन, रेणु साहु, पिलेश्वरी साहु,
सबो बूता करइया मन एकच सँग संघर के, घेरीभेरी छत्तीसगढ़ महतारी की जय के जयकारा लगावत जोहार छत्तीसगढ़ के नारा लगावत रहिन।
