भाजपा कार्यकर्ता मन के के समर्पण सेवा अउ संघर्ष के ही परिणाम हे कि मोदी जी के नेतृत्व म देश प्रगति पथ म अग्रसर हे:बृजमोहन अग्रवाल

रायपुर. भाजपा के सम्मानित कार्यकर्ता मन के त्याग, समर्पण अउ परिश्रम ले ही संगठन ल राष्ट्रव्यापी विस्तार मिलीस अउ भाजपा ल देशभक्ति, जनसेवा, सुशासन अउ अंत्योदय ल समर्पित विश्व के सबले बड़का राजनीतिक शक्ति के रूप म पहिचान मिलिस। जउन यशस्वी प्रधानमंत्री श्री नरेंद्र मोदी के नेतृत्व म नवा भारत के निर्माण म घेरिभेरी हे। ये गोठ रायपुर लोकसभा ले भाजपा उम्मीदवार श्री बृजमोहन अग्रवाल ह शनिच्चर के पुरानी बस्ती मंडल अउ डीडी नगर मंडल के वरिष्ठ कार्यकर्ता मन के सम्मान समारोह के अवसर म कहीस।
कार्यक्रम के आयोजन भाजपा स्थापना दिवस के अवसर म करे गे रहीस।
ये बेरा म श्री अग्रवाल ह बताइस की १९८० म श्रद्धेय अटल बिहारी बाजपेई जी ह मुंबई म भारतीय जनता पार्टी के स्थापना के अवसर म कहीस की बादर छटही, सुरुज उगही, कमल खिलही अउ आज देश भर म कमल ह फूल गे हावय। अयोध्या म राम मंदिर निर्माण के संग ही सनातन के सुरुज उगे हे।
ये भाजपा कार्यकर्ता मन के समर्पण, सेवा अउ संघर्ष के ही परिणाम हे कि मोदी जी के नेतृत्व म देश घेरिभेरी प्रगति करत हे अउ २०४७ तक विकासशील ले विकसित देश बन जाही।
श्री अग्रवाल ह कार्यकर्ता मन ले कहीस की लोकसभा चुनाव अबिच होवइया हे अइसे म ओहर तन मन धन के संग जुड़ जावय अउ नवा भारत के निर्माण बर मोदी जी ल फेर विजई बनावय जेकर बर एक-एक कार्यकर्ता मन ल घर-घर जाके भाजपा के नीति अउ रिति ल ओकर आगू रखे ल परही अउ भाजपा बर वोट मांगे ल परही। ओहर ये घलो कहीस की ये हम सबो बर सौभाग्य के बात हे कि हमन ल मोदी जी ल फेर प्रधानमंत्री बनाये के शुभ अवसर मिलत हे। तेकर सेती हमन ल अउ मनखे म ल घलो पूरा ताकत के संग ये चुनावी युद्ध ल जिते ल परही। मोदी जी ह हमन ल चुनावी युद्ध जीते बर महतारी वंदन ,उज्जवला, प्रधानमंत्री आवास, नल जल, आयुष्मान, स्वानिधि, विश्वकर्मा जइसन सैकड़ों योजना मन ल दे हावय। जउन ल एक भारतवासी फायदा उठावत हे। कार्यकर्ता मन ल जनता के आगू इही योजना मन के लाभ ल बताना हे अउ मोदी जी ल फेर प्रधानमंत्री बनाये बर रायपुर समेत पूरा छत्तीसगढ़ ले कमल के फूल ल लाना हे।

@अश्विनी नगर म बूथ विजय अभियान,झंडा रोहण अउ दीवार लेखन के आयोजन

भाजपा स्थापना दिवस के अवसर म अश्विनी नगर म बूथ विजय झंडा रोहण अउ दीवाल लेखन के आयोजन करे गिस। पार्षद मृत्युंजय दुबे डहर ले करें गिस ये आयोजन म श्री बृजमोहन अग्रवाल ह लोकसभा चुनाव के तइयारी के जिम्मेदारी लिस अउ कार्यकर्ता मन ल सम्बोधित करत चुनावी रणनीति म गोठबात के संग ही श्री अग्रवाल ह घर मन म भाजपा झंडा लगाइस अउ पार्टी के संदेश ल जन जन तक पहुंचाये बर पर्दा ( दीवार) म लिखे के शुरुआत करीस।