छत्तीसगढ़ म नो रिपीट वाला गुजरात मॉडल लागू करे जाए के चर्चा… ..

रायपुर। छत्तीसगढ़ म १९ दिसंबर ले प्रस्तावित विधानसभा के शीतकालीन सत्र ले पहिली सीएम विष्णुदेव साय के मंत्रिमंडल के विस्तार होये के अटकल मन के बीच छत्तीसगढ़ म नो रिपीट वाले गुजरात मॉडल लागू करे जाए के चर्चा दिल्ली मे चलत हे। छत्तीसगढ़,मध्यप्रदेश अउ राजस्थान म सीएम के चुनाव म येकर असर घलो दिखिस।

बता देवत हन की सीएम विष्णुदेव साय, डिप्टी सीएम अरुण साव अउ विजय शर्मा के सँग ये बखत दिल्ली म पार्टी दफ्तार म बीजेपी अध्यक्ष जेपी नड्डा, प्रधानमंत्री नरेंद्र मोदी, अमित शाह अउ बीजेपी के छत्तीसगढ़ प्रभारी ओम माथुर के सँग कैबिनेट विस्तार म जउन संघरे रहिस ओकर नाम मन म सोच विचार करत हे।

सूत्र के हवाला ले ये बताये गे हावय की अगर छत्तीसगढ़ म गुजरात मॉडल वाला नो रिपीट वाला फार्मूला लागू होही त मंत्री बने के दौड़ म संघरे कतको पुराना मंत्री मन ल विधायक के पद नसीब होही। ओला मंत्री पद के दौड़ ले बाहर करे जा सकत हे येकर ठउर म नवा मनखे मन ल मउका दे जा सकत हे।
गुजरात म लागू करे गे रहीस रिपीट फार्मूला

बता देवत हन की भाजपा ह गुजरात म चुनाव जीते के बाद मुख्यमंत्री ले लेके मंत्री अउ विधानसभा अध्यक्ष सबो ल बदल दे रहीस। सबो ठउर म नवा चेहरा मन ल ठउर दे रहीस। गुजरात ल भाजपा के सियासी प्रयोगशाला मामी जाथे। इहि यही वजह हे कि २६ सदस्य वाले गुजरात सरकार म मुख्यमंत्री भूपेंद्र पटेल सहित नौ मंत्री पहली बार विधानसभा चुनाव जीत के आए रहीस अउ ओला कैबिनेट म संघरे के एक मउका मिल गे।

गुजरात म बीजेपी के ये ‘नो रिपीट फार्मुला’ सफल घलो रहीस। दिल्ली के सूत्र के अनुसार भाजपा के बड़े नेता घेरीभेरी ये संकेत देवत हे कि छत्तीसगढ़ म घलो पार्टी गुजरात माडल लागू कर सकत हे अईसे म पुराना मंत्री मन ल शायद ही मंत्री बने के अब अउ अवसर मिलय।
मंत्री पद के दौड़ म ये पुराना मंत्री संघरिस

बता देवत हन की छत्तीसगढ़ म विधानसभा सीट मन के हिसाब ले मुख्यमंत्री समेत १३ मंत्री ही हो सकत हे। अब तक मुख्यमंत्री अउ दो उप मुख्यमंत्री नियुक्त होंगे हे। बाकी १० के मंत्री बनना हे फेर दावेदार १६ ले ज्यादा हे। मंत्री पद के दावेदार मन म जेकर नाम शामिल बताए जावत हे ओमा पुराना मंत्री रामविचार नेताम, रेणुका सिंह, अमर अग्रवाल, धरमलाल कौशिक, पुन्नूलाल मोहले, दयालदास बघेल, बृजमोहन अग्रवाल, अजय चंद्राकर, राजेश मूणत, केदार कश्यप, लता उसेंडी प्रमुख हे। येमा ले कोनो क्षेत्रीय संतुलन अउ सामाजिक समीकरण के हिसाब ले मंत्री मंडल म ठउर मिल सकत हे। बाकी नवा नाम मन म विचार करे जावत हे, जउन चौंकाने वाले हो सकत हे
ये हे नवा चेहरा –

1 ओपी चौधरी महामंत्री
2 किरण देव महामंत्री
3 गोमती साय
4 मोतीलाल साहू
5 आसाराम नेताम
6 खुशवंत गुरु साहिब
7 डीएल कोरसेवाड़ा
8 अनुज शर्मा
9 पुरंदर मिश्रा
10 भावना वोहरा
11 राजेश अग्रवाल
12 रिकेश सेन