बिलासपुर. अवइया विधानसभा चुनाव 2023 के सबले खास विधानसभा सीट माने जावत हे बेलतरा विधानसभा ह काबर की कांग्रेस के सबले जादा लगभग 119 दावेदार बेलतरा विधानसभा म ही अपन दावेदारी करे रहिस हे, अतना महत्वपूर्ण सीट बर भाजपा ह घलोक अपन प्रत्याशी घोषित करे म अब्बड़ समय लेइस अउ अंत म बेलतरा क्षेत्र म लगातार सक्रिय भूमिका निभाने वाला भाजपा नेता सुशांत शुक्ला ल अपन प्रत्याशी बनाये हे,
2018 के चुनाव म बेलतरा ले भाजपा के रजनीश सिंह ह इंहा के विधायक चुनाव जीते रहिस हे, अब ये बार नवा युवा ल मौका दे के कारण सुशांत शुक्ला ल इंहा ले चुनाव लड़े के मौका मिले हे अब देखना ये हवय की छत्तीसगढ़ के जनता इंहा ले काल चुन के नवा विधायक बनाथे, कांग्रेस ले विजय केसरवानी या भाजपा ले सुशांत शुक्ला या कोनो तीसरा विकल्प जनता ल इंहा ले मिलथे।
