“प्रोफेसर प्यारेलाल आदिले ल ‘ श्री दयाराम टंडन ज्ञान रत्न सम्मान’ ले सम्मानित करे गिस”
कटघोरा. राष्ट्रीय सेवा रत्न सम्मान प्राप्त समिति छत्तीसगढ़ कलमकार मंच मस्तूरी बिलासपुर द्वारा २९ मार्च के बिलासपुर के एमरोल्ड होटल म आयोजित छत्तीसगढ़ कलमकार मंच के वार्षिक अधिवेशन अउ सम्मान समारोह म विश्व प्रसिद्ध विद्वान प्राध्यापक प्रोफेसर (डॉ.)प्यारेलाल आदिले प्राचार्य जे.बी.डी.कला एवं विज्ञान महाविद्यालय कटघोरा ल ‘श्री दयाराम टंडन ज्ञान रत्न सम्मान’ ले विभूषित करे गिस। प्रोफेसर आदिले के डहर ले समाज म करे जावत शिक्षा,महापुरुषों के सामाजिक अवदान,स्वास्थ्य, जनकल्याण बर जागरूकता,महिला सशक्तिकरण,साहित्य अउ संस्कृति ऊपर विशेष बुता करे के उपलक्ष म ये सम्मान दे गिस। कहे के मतलब ये सम्मान बर प्रोफेसर आदिले के चयन एक प्रबंधकारिणी अनुशंसा कमेटी डहर ले करे गिस।
छत्तीसगढ़ कलमकार मंच के संस्थापक अध्यक्ष विश्व विख्यात साहित्यकार डॉ.किशन टंडन क्रान्ति ह प्रोफेसर आदिले ल बधाई देवत बताइस कि “आज के ये भौतिकवादी युग म घलो दिखवा के अड़बड़ सादगीपूर्ण जिनगी जिये वाले उच्च शिक्षा प्राप्त विद्वान प्राध्यापक प्रोफेसर प्यारेलाल आदिले सहिच मायने म मानवतावादी समाजवैज्ञानिक अउ राजवैज्ञानिक विद्वान हे।आप ल ये सम्मान देवत संस्था ल गरब के अनुभूति होवत हे” प्रोफेसर आदिले जइसन नेतृत्वकर्ता के महती आवश्यकता हे आज के समाज ल ।आप अपन समस्त उपलब्धि बर अपन दाई ददा -,परिवार,रिश्तेदार,गुरुजन, संगवारी अउ समाज के गुणिजन मन ल श्रेय देथव। आप डॉ.अंबेडकर थॉट को मानवता के हिफाजत अउ विकास बर आवश्यक बताथव अउ येकर ले पूरा दुनिया म प्रसारित करना चाहत हे।
डा. आदिले ह अपन प्रमुख वक्तव्य म कहीस की “व्यक्तित्व के विकास मस्तिष्क के कर्मशाला म होथें त साहित्य अउ कविता के उत्पति भावना के भूमि म होथे। तेकर सेती मनखे मन बर सर्वोत्तम संगवारी के भूमिका साहित्य ही निर्वहन करथे।” ये सम्मान समारोह के मुख्य अतिथि प्रो.आर.पी.टंडन प्राध्यापक हिंदी, अध्यक्ष डा.पी.सी.लाल यादव वरिष्ठ साहित्यकार,विशिष्ट अतिथि श्रीमती श्यामा कुर्रे,डा. इंद्रभानु सिंह कंवर,डा. गोवर्धन मार्शल,एच.आर.खांडे एवं एस. एल.मात्रे रहीस।
