कलेक्टर डॉ. गौरव कुमार सिंह ह लीस नालंदा प्रबंधन सोसायटी के बईठक, मोती बाग के समीप स्मार्ट लाइब्रेरी के सुविधा अब्बड़ जल्दी, पंजीयन १ फरवरी ले होही शुरुआत

नालंदा परिसर अउ सेंट्रल लाईब्रेरी ले सम्पर्क कर के जमा करही आवेदन

दस रूपए शुल्क अउ आधार कार्ड के सँग कर सकही पंजीयन

रायपुर। कलेक्टर डॉ. गौरव कुमार सिंह ह आज नालंदा प्रबंधन सोसायटी के कार्यकारिणी समिति के सदस्य मन के बईठक ल लेके कहीस की मोतीबाग म निर्माणाधीन स्मार्ट रीडिंग कुरिया के सदस्य मन बर आवेदन प्रक्रिया ०१ फरवरी २०२४ ले शुरुआत करे जाही। जउन प्रतिभागी स्मार्ट रीडिंग कुरिया मोतीबाग म सदस्यता चाहत हे ओ नालंदा परिसर लाइब्रेरी अउ सेन्ट्रल लाइब्रेरी रइपुर ले आवेदन ले सकत हे। नवनिर्मित लाइब्रेरी के संचालन अब्बड़ जल्द ही शुरू होही अउ “पहिली आवव पहिली पावव” के आधार म विद्यार्थी मन के पंजीयन करे जाही। बईठक म नगर निगम आयुक्त श्री अबिनाश मिश्रा, जिला पंचायत रायपुर के मुख्य कार्यपालन अधिकारी श्री विश्वदीप अउ कार्यकारिणी समिति के सदस्यगण संघरे रहीन।

मोतीबाग के समीप स्मार्ट सिटी डहर ले स्मार्ट रीडिंग कुरिया बनाये जावत हे जउन ह युवा मन बर अब्बड़ जल्दी शुरुआत होही। ये लाइब्रेरी घलो नालंदा परिसर लाईब्रेरी जइसन २४X७ संचालित होही। जउन प्लस टू म निर्माणाधीन ये लाईब्रेरी म ६०० युवा मन बर एक सँग बइठे के व्यवस्था हे। पूर्णतः वातानुकूलित ये लाइब्रेरी म कम्प्यूटर सिस्टम, प्रतियोगी परीक्षा संबंधी किताबें, फी-वाई फाई के सँग-सँग अत्याधुनिक सिक्योरिटी सिस्टम सहित सबो सुविधा उपलब्ध रइही।

कलेक्टर डॉ. गौरव कुमार सिंह के निर्देश ऊपर पुस्तक दान महादान के घलो होइस शुरुआत उपयोगी पुस्तक दान करइया दानदाता मन ल मिलही प्रशस्ति पत्र*

डॉ. गौरव कुमार सिंह कलेक्टर सह अध्यक्ष नालंदा परिसर प्रबंधन सोसायटी के अध्यक्षता म सोसायटी के कार्यकारिणी समिति के ३० जनवरी के बैठक6 म ये निर्णय लिस की जउन गणमान्य नागरिक युवा मन बर उपयोगी प्रतियोगी परीक्षा म अउ साहित्यक पुस्तक दान करना चाहत हे, ओ कार्यालयीन बेरा म नालंदा परिसर अउ सेंट्रल लाइब्रेरी म पुस्तक दान कर सकत हे। दान दाता जउन म प्रतियोगी परीक्षा मन के पुस्तकें ०२ बछर ले ज्यादा जुन्ना झन होवय अउ पुस्तक सुग्घर अवस्था म रहय। पुस्तक दान दाता मन के नाम ओकर डहर ले दान करे गे पुस्तक मन म देखे जाही अउ जिला प्रशासन रायपुर डहर ले ओला प्रशस्ति पत्र देके सम्मानित करे जाही। कलेक्टर रायपुर डहर ले गणमान्य नागरिक ले ज्यादा ले ज्यादा उपयोगी पुस्तक दान करे के गोहार करे हे। तभे युवा मन ह ये पुस्तक ले लाभान्वित हो सकय।