रायपुर। प्रदेश कांग्रेस के वरिष्ठ प्रवक्ता सुरेन्द्र वर्मा ह कहीस की मोदी सरकार अउ पेट्रोलियम ३० रू. ले ज्यादा कमई करत हे बीते १० बछर म मोदी सरकार ह पेट्रोल डीजल ले लगभग ३२ लाख करोड़ रुपए के कमई करे हे अउ पेट्रोलियम कंपनी म मुनाफाखोरी म छूट दे ले बिते ६ महीना म पेट्रोलियम कंपनी म लगभग ४७००० करोड़ रुपए के कमई करें हे अउ गरीब जनता महंगाई के मार के बोझ तले दबते जावत हे।
प्रदेश कांग्रेस के वरिष्ठ प्रवक्ता सुरेन्द्र वर्मा ह कहीस की क्रूड ऑयल के दाम कम होगे मोदी सरकार पेट्रोल, डीजल के दाम नई घटत हे पेट्रोल डीजल के मँहगई बर केंद्र के मोदी सरकार अउ पेट्रोलियम कंम्पनी के मुनाफाखोरी गठबंधन ह जिम्मेदार हे। मोदी के गारंटी पेट्रोलियम कंपनियों के मुनाफा बढ़ाये के हे। अउ आम जनता मन के ऊपर महंगई के बोझा बढ़ाना हे। बीते १९ महिना म अंतरराष्ट्रीय हटरी म क्रूड ऑयल के कीमत म ३१ प्रतिशत ले ज्यादा के कमी आये हे जउन २०२२ म जिहाँ क्रूड ऑयल के दाम ११६ डॉलर प्रति बैरल रहीस आज जनवरी २०२४ में ७५ डॉलर हे प्रति बैरल लगभग ४२ डॉलर के कमी होइस, फेर देश के भीतर किसान मजदूर युवा व्यापारी उद्योगपति मन ल घलो आज महंगे दरों ऊपर अउ डीजल खरीदे ल परत हावय।
प्रदेश कांग्रेस के वरिष्ठ प्रवक्ता सुरेन्द्र वर्मा ह कहीस की जउन प्रकार ले मोदी सरकार कचलोईया तेल के दाम म कमी के फायदा जनता ल देना नई चाहत हे येकर ले साफ हे कि मोदी सरकार चंदपूंजीपति मन के हाथ के कठपुतली हे अउ ओकरे सुग्घर दिन लाये बर बूता करत हे। । २०२४म देश की जनता केंद्र ले मोदी सरकार के विदाई करही तभे देश के १४४ करोड़ ले ज्यादा जनता मन ह महंगाई ले राहत मिलही। आवश्यक वस्तु मन के दाम म कमी आये हे सही बेरा म ट्रेन मिलही।
प्रदेश कांग्रेस के वरिष्ठ प्रवक्ता सुरेन्द्र वर्मा ह कहीस की मोदी सरकार की नीति म ले जनता ल महंगाई ले राहत देना नई हे बल्कि मुनाफाखोरी करना हे। मोदी सरकार जनता ले हमेशा वसूली बर तईयार रहिथे चाहे वो जीएसटी के माध्यम ले होवय या फेर पेट्रोल डीजल रसोई गैस ट्रेन के टिकट मन के दाम म बढ़ोतरी कर के जनता के जेब ढीला करई होवय थोर कन घलो पाछु नई हटय।। आज देश के आगु मोदी सरकार के मुनाफाखोरी उजागर होगे हे जब अंतरराष्ट्रीय हटरी म कचलोईया तेल के दाम ह घलो गिर गे त पेट्रोल डीजल के दाम म ओकरे मुकाबला कमी होना चाही। जेकर ले पेट्रोल डीजल के उपयोग होये ले उद्योग मन म लागत मूल्य कम आथे, कृषि लागत कम होथे ट्रांसपोर्टिंग चार्ज म कमी होथे त निश्चित तौर म आवश्यक वस्तु मन के दाम ह बाढ़े हे ओमा घलो कमी आये हे।
