–जे डाॅक्टर मनला हमन पहिली देवता बरोबर मानन अब वोमा के कतकों डकैत बरोबर जनाथें जी भैरा.
-हव जी कोंदा.. महूं ल वइसने बानी के जनाथे. तेमा प्रायवेट अस्पताल चलइया मन तो अतीच डकैती करत हें. मरीज ल बरपेली आईसीयू म भरती कर देथें अउ फोकटे-फोकट अपन बिल के मीटर ल बढ़ावत रहिथें.
-अभी सरकार के जेन आयुष्मान आदि योजना चलत हे ना.. तेकर पइसा मनला निकाले बर तो बिन बीमारी के घलो कतकों किसम के बीमारी के बिल बना-बना के निकालत हें. पेपर मन म रोज छपत हे अइसन खबर ह.
-अब ए डॉक्टर मनला भगवान के नजर ले देखे अउ माने म मन गवाही नइ देवय संगी.
