अन्य
कोन्दा भैरा के गोठ – सुशील भोले

–अब जब ए देश के न्यायाधीश मनला ही बेरा बखत म वाजिब न्याय नइ मिलही त फेर आम आदमी के का होही तेला सोचे जा सकथे जी भैरा.
-हव जी कोंदा.. उत्तर प्रदेश के महिला जज के संबंध म जइसन ढंग के खबर अभी आए हे, ए ह माथा धरे बरोबर हे. फेर सबले गुने के लाइक बात ए आय के इही वो राज्य आय जिहां रामराज्य आए के सबले जादा ढींढोरा पीटे जावत हे.
-हव जी बाराबंकी म तैतानी के बखत बछर 2022 म वोकर संग हिनमान के घटना उहाँ के जिला जज द्वारा करे गे रिहिसे. तेकर सेती वो महिला जज ह इलाहाबाद हाईकोर्ट के मुख्य न्यायाधीश जगा गोहराए रिहिसे, फेर वोला न्याय नइ मिले रिहिसे, तेकर सेती अभी सुप्रीम कोर्ट के मुख्य न्यायाधीश ल पाती पठो के सम्मानजनक ढंग ले आत्महत्या करे के अनुमति माँगे हे.
-सुनेच म करलई जनावत हे संगी.. का अइसने म ए देश म रामराज के सपना साकार होही?