-राजनीति ह आज एक अइसे रोजगार के रूप म अपन चिन्हारी बनावत जावत हे जी भैरा के घर के कोनो एक झन मनखे ह नानमुन पद म बइठगे त फेर वोकर कतकों पीढ़ी खातिर बइठ के खाए के जुगाड़ बन जाथे.
- हाँ.. ए बात ह तो अब सिरतोन जनाथे जी कोंदा.
-फेर अभी कतकों अइसन लोगन घलो हें, जे मन के नता-गोता मन राजनीतिक लाभ ले दुरिहच राखथें.
-अच्छा.. अइसनो लोगन हें अभी!
-हव.. झारखंड के श्रम मंत्री सत्यानंद भोक्ता के बेटा मुकेश ह कोनो किसम के राजनीतिक छीनाझपटी ले अलग रहि के उहाँ के चातरा सिविल कोर्ट म चपरासी के नौकरी म चयन होए हे, अउ अब कोनो किसम के राजनीतिक लाभ के बदला उहिच चपरासी के नौकरी ल करहूं काहत हे.
-ए तो अच्छा बात आय संगी.. कोनो काम ह छोटे बड़े नइ होवय. अइसन निर्णय के स्वागत होना चाही.
