–विधानसभा चुनई बर घोषित प्रत्याशी मन के लिस्ट ल देखे हावस जी भैरा?
-हाँ देखे तो हावौं जी कोंदा.. कइसे का होगे तेमा?
-वाह.. अभी लोकसभा म महिला आरक्षण के संबंध म जेन ढींढोरा पीटे जावत रिहिसे, वोमा के कतका अकन ह सही असन जनाथे?
-राजनीतिक पार्टी वाले मन के चाल-चरित्तर ह अइसनेच होथे संगी.. बोले के आने अउ करे के आने.
-हव जी.. सबोच पार्टी के एके हाल हे. महिला आरक्षण ल ले के गजब गोठ करत रिहिन हें.. भारी सतवंता असन बोल बोलत रिहिन हें, अपन-अपन ले डिंगरई मारत रिहिन हें.. फेर चरित्तर ल देखेन त सबो फोसवा निकल गिन.
-हव जी.. तीस प्रतिशत के आंकड़ा कोनो मेर ले झांके असन नइ दिखते!
