–अभी नवरात म उपास-धास तो चलत होही जी भैरा?
-हव जी कोंदा.. माता रानी के किरपा ले पूरा नौ दिन सक जाथौं.
-अच्छा हे.. कई किसम के रोग-राई मन के नियंत्रण म उपास-धास ह फायदा के होथे.. अउ फरहार म का लेवत होबे?
-चोबीस घंटा म एक पइत साबुदाना, सिंघाड़ा जइसन जिनिस मन ला ले के पानी उनी पी लेथौं जी संगी.
-स्वास्थ्य विशेषज्ञ मन के कहना हे के साबुदाना अउ सिंघाड़ा जइसन जिनिस के बलदा मिलेट्स माने हमर इहाँ जेन कोदो, कुटकी, रागी जइसन मोटहा अनाज मिलथे ना अइसन मन के उपयोग करे जाय त ए ह शरीर खातिर जादा फायदा के हो सकथे.
-अच्छा!
-हव.. अइसने भाजी-पाला मन म घलो कोंहड़ा, रखिया जइसन फाइबर वाले जिनिस मन के उपयोग करे म कतकों किसम के रोग-राई मन घलो नियंत्रण म रइही.
