–अब तो शहर सुंदरई प्रतियोगिता घलो होही काहत हे जी भैरा.
-कइसे ढंग के शहर सुंदरई प्रतियोगिता जी कोंदा?
-जइसे कुंवारी नोनी अउ बिहतरा माईलोगिन मन के होथे नहीं.. मिस बिलसपुरहिन, मिस रायपुरहिन, विश्व सुंदरी, ब्रम्हांड मोहनी तइसे गढ़न अब शहर मन के सुंदरई देखे जाही, के शहर, वोकर पारा, उहाँ के गली-खोर, तरिया-नदिया, झरना आदि मन कतका पन मयारुक दिखथे?
-अइसन म तो मुसकुल जनाथे संगी, हमर शहर ह एकर उल्टा वाला प्रतियोगिता म भले पहला आ सकथे.
-कइसे ढंग के उल्टा म?
-बस्सौना शहर, खोलदावन सड़क, बजबजावत नाली, जीवलेवा तरिया, अंधियारी रद्दा जइसन जिनिस मन के प्रतियोगिता होतीस त सिरतोन काहत हौं संगी हमर शहर ह सिरिफ देशे भर म नहीं, भलुक पूरा दुनिया म पहला नंबर आए रहितीस.
