छत्तीसगढ़ के पर्यटन अउ संस्कृति मंत्री श्री बृजमोहन अग्रवाल ह केंद्रीय पर्यटन मंत्री ले करिस भेंट
ऐतिहासिक धरोहर के संरक्षण के बर केंद्रीय बजट ले राशि के दे जाए के करिस निवेदन
हमर महतारी बम्लेश्वरी दाई प्रसाद योजना के उद्घाटन बेरा म केंद्रीय पर्यटन मंत्री आही छत्तीसगढ़
नई दिल्ली. छत्तीसगढ़ के पर्यटन अउ संस्कृति मंत्री श्री बृजमोहन अग्रवाल ह आज नई दिल्ली म केंद्रीय पर्यटन मंत्री श्री जी. किशन रेड्डी ले भेंट करिस। इही बेरा ओहर छत्तीसगढ़ के पर्यटन विकास के संभावना ले गोठ बात करत कहीस की छत्तीसगढ़ के ऐतिहासिक धरोहर के संरक्षण अउ विकास बर राशि केंद्रीय बजट ले स्वीकृत करे के निवेदन करिस। येकर सँग ही ओहर शक्तिपीठ परियोजना के अंतर्गत प्रदेश के पाँच शक्तिपीठ ल जोड़ के अउ विकसित करे के, राजिम कॉरीडोर के निर्माण सहित पुरखौती मुक्तांगन म कन्वेन्शन सेंटर बनाये बर केंद्र सरकार ले मदत मांगिस।
केंद्रीय मंत्री ह ओकर कार्यालय म भेंट के बेरा संस्कृति मंत्री श्री बृजमोहन अग्रवाल ह बताइस की छत्तीसगढ़ म वर्तमान म कुल ६३ राज्य संरक्षित स्मारक हे। संरक्षित स्मारक, अवशेष, पुरास्थल अउ संग्रहालय के अनुरक्षण अउ विकास कार्य सहित पुरातात्विक गतिविधि के संचालन बर १९६५ लाख के राशि के प्रस्ताव तईयार करे गिस। ओहर केंद्रीय बजट ले स्वीकृति के अनुरोध करिस।
श्री बृजमोहन अग्रवाल ह उज्जैन अउ काशी म बनाये गे भव्य कॉरीडोर के जइसन राजिम मंदिर परिसर ल विकसित करे के विकास कार्य अउ जीर्णोंद्धार के आवश्यकता बताईस। ओहर केंद्रीय मंत्री ले राजिम मंदिर परिसर के भव्य आकर्षक अउ गरिमामय ढंग ले विकसित करे बर कॉरीडोर बनाये बर ७५ करोड़ के राशि स्वीकृत करे कर मांग करिस।
श्री बृजमोहन अग्रवाल ह बताइस की चार धाम के तर्ज ऊपर छत्तीसगढ़ के महत्वपूर्ण धार्मिक आस्था के केन्द्र ल शक्तिपीठ परियोजना के तहत विकसित करे जाही छत्तीसगढ़ के पाँच शक्तिपीठ सूरजपुर के कुदरगढ़, चन्द्रपुर के चन्द्रहासिनी मंदिर, रतनपुर के महामाया मंदिर, डोंगरगढ़ के बम्लेश्वरी मंदिर अउ दंतेवाड़ा के दंतेश्वरी मंदिर म चरणबद्ध ढंग ले सुविधा विकसित करे जाही। ओहर ऐला पर्यटन मंत्रालय के योजना म संघेर के स्वीकृति प्रदान करे के निवेदन करिस।
मंत्री श्री अग्रवाल ह बताइस की
छत्तीसगढ़ के कला अउ संस्कृति ल बढ़ाये बर २००६ म तत्कालीन राष्ट्रपति डॉ एपीजे अब्दुल कलाम ह पुरखौती मुक्तांगन के लोकार्पण करे रहिस। देश-विदेश ले अवइया लोक कलाकार मन अउ अतिथि मन के सँग संवाद स्थापित करे बर एक कन्वेन्शन सेंटर के जरूरत अब्बड़ पहिली ले आभास होवत रहीस। ओहर येकर बर ५० करोड़ के राशि स्वीकृत करे के निवेदन करिस
येकर सँग ही ओहर प्रशाद योजनांतर्गत महतारी बाघेश्वरी मंदिर, कुदरगढ़, सिरपुर के विकास बूता के स्वीकृति अउ स्वदेश दर्शन योजना २.० के अंतर्गत चयनित जगदलपुर अउ बिलासपुर डेस्टिनेशन बर पीडीएमसी (प्रोजेक्ट डेव्लपमेंट अउ मैनेजमेंट कंसल्टेंट) चयन के क्रियान्वयन बर राशि स्वीकृति के निवेदन करिस। येकर सँग ही केंद्रीय मंत्री ल लोकार्पण कार्यक्रम म छत्तीसगढ़ आये के निमंत्रण घलो दिस। येकर सँग ही ओहर केंद्रीय मंत्री ल हमर महतारी बम्लेश्वरी दाई प्रशाद योजना के उद्घाटन कार्यक्रम म छत्तीसगढ़ आये के निमंत्रण घलो दिस। जेकर ऊपर ओहर १५ फरवरी के बाद छत्तीसगढ़ आये के गोठ करे हे।
विभिन्न प्रस्ताव ऊपर केंद्रीय मंत्री ह सकारात्मक पहल के आश्वासन दे हावय।
