विभिन्न योजना मन के तहत लाभान्वित हितग्राही पहाड़ी कोरवा श्रीमती मनकुंवारी बाई से प्रधानमंत्री ह सीधा संवाद करीस
जशपुरनगर । प्रधानमंत्री श्री नरेंद्र मोदी ह विभिन्न योजना मन के तहत लाभान्वित हितग्राही पहाड़ी कोरवा श्रीमती मनकुंवारी बाई ले सीधा गोठियाइस। प्रधानमंत्री ह श्रीमती मनकुंवारी बाई ले पुछिस कि ओला सरकार के कोउन कोउन योजना मन ले लाभ मिलिस? येकर जवाब म श्रीमती मनकुंवारी ह बताइस की प्रधानमंत्री आवास योजना के तहत निर्मित पक्का मकान म हमन रहिथन। पहिली बिजली नई रहीस त अब्बड़ दिक्कत होवत रहीस अब नई होवय।
प्रधानमंत्री श्री मोदी ल श्रीमती मनकुंवारी ह बताइस की ओकर परिवार म ५ मनखे मन रहत हे। पहिली जंगल जाके सूखा लकड़ी सकेल के रखे ल परत रहीस, ओला जला के भोजन बना पावत रहेन। ये पुरा क्रम म अब्बड़ बेरा जावत रहीस। फेर आज उज्जवला योजना के तहत मिलिस गैस सिलेंडर ले भोजन ह कम बेरा म बढ़िया ढंग ले बन जावत रहीस। इही बीच प्रधानमंत्री ह पुछिस – कोनो नवा रेसिपी सिखेव या नई आप ! जेकर जवाब म मनकुंवारी ह बताइस की धुस्का, भजिया जइसन चीज़ आसानी ले बना लेवत हव।
मनकुंवारी हम पहाड़ी कोरवा हे, हमन पहाड़ ऊपर रहवइया हरन, पिये के पानी हम सबो बर एक बड़का चुनौती रहीस फेर सरकार ह सबो घर पिये के आरुग पानी पहुँचा दे हे।। श्रीमती मनकुंवारी ह प्रधानमंत्री श्री नरेन्द्र मोदी ल ये योजना मन बर धन्यवाद दिस जउन ल स्वीकार करत प्रधानमंत्री ह कहीस की- आपके धन्यवाद बर मैं आप ल धन्यवाद देवत हव आप ह न केवल ये योजना मन के लाभ लीस बल्कि दूसर हितग्राही मन ल घलो देवाइस। प्रधानमंत्री ह कहीस की – जब योजना मन के लाभ ज्यादा ले ज्यादा मनखे मन ल मिलथे त येकर असर अउ कतको गुना तक बाढ़ जाथे।
प्रधान मंत्री जनमन योजना के तहत बगीचा म आयोजित कार्यक्रम म संघरे बर मुख्यमंत्री विष्णुदेव साय, जशपुर जिला के बगीचा पहुंचीस मुख्यमंत्री साय ह राष्ट्रपिता महात्मा गांधी के चित्र ऊपर दिया जला के फुल चढ़ा के कार्यक्रम के शुरुआत करिस।। उल्लेखनीय हे कि बिसेस कार्यक्रम म आज प्रधान मंत्री नरेंद्र मोदी विशेष संरक्षित जनजाति पहाड़ी कोरवा अउ बिरहोर के हितग्राही मन ले गोठ बात करीस, सरकारी योजना मन ले ओकर जिनगी म आवत बदलाव के जानकारी कर लिस। बगीचा के स्वामीआत्मा नंद अंग्रेजी माध्यम स्कूल के प्रांगण म येकर बर भव्य कार्यक्रम के आयोजन करीस। मुख्यमंत्री के सँग विधायक रायमुनी भगत अउ गोमती साय घलो कार्यक्रम म संघरे रहीस।
