२०१८ म भाजपा सरकार के बिदा के सँग शुरू होइस कांग्रेस के विकास यात्रा निरंतर चलही

रायपुर। प्रदेश कांग्रेस अध्यक्ष अउ सांसद दीपक बैज कहीस की कांग्रेस के घोषणा पत्र म प्रदेश के सबो वर्ग ह भरोसा करे हावय। ३ दिसंबर के फेर कांग्रेस के सरकार बनइया हे। अउ २०१८ म भाजपा सरकार के बिदा के सँग शुरू होइस नवा छत्तीसगढ़ गढ़े के कांग्रेस के विकास यात्रा निर्बाध गति ले आगु बाढ़ही। प्रदेश के जनता ह मोदी के गारंटी अउ भाजपा के घोषणा पत्र ल तिरिया दे हे, पतियाईस नई । महतारी बहिनी मन ह कांग्रेस सरकार बनही त छत्तीसगढ़ गृह लक्ष्मी योजना के माध्यम ले मिलइया सबो बछर १५००० रु. के राशि, ५०० रु. रसोई गैस सिलेंडर म सब्सिडी, महिला समूह के कर्जा माफ, अइसन विषय ऊपर उकर गोठ ल पतियाईस अउ बढ़-चढ़ के कांग्रेस के पक्ष म मतदान करीस।

प्रदेश कांग्रेस अध्यक्ष अउ सांसद दीपक बैज कहीस की कांग्रेस के सरकार बने ऊपर जातिगत जनगणना होही, किसान मन के कर्जा माफ होही, धान के कीमत ३२०० रु. प्रति क्विंटल मिलही, २०० यूनिट तक बिजली फोकट म मिलही, मजदूर न्याय योजना ले १० हजार रु. खाता म आही। १७ लाख ले ज्यादा आवास मिलही, केजी ले पीजी तक के शिक्षा फोकट म मिलही, आत्मानंद योजना ले सरकारी स्कूल उन्नयन होही, तिंवरा के समर्थन मूल्य म खरीदारी होही अउ २०१८ म सरकार बने के बाद शुरू होइस ये सबो योजना मन ह निरंतर गति के सँग चलही।

प्रदेश कांग्रेस अध्यक्ष अउ सांसद दीपक बैज कहीस की भाजपा नेता मन ल दिन म सपना देखे के आदत पर गे हावय। भाजपा के अधिकांश बड़े नेता चुनाव हारत हे। भाजपा के प्रत्याशि मन ल भाजपा के नेता मन अउ बूता करइया मन के ही समर्थन नई मिलिस। जनता ह तो पहिली ले ही भाजपा ले दूर रहिस भाजपा जउन आयातित नेता मन के दम म प्रदेश म चुनाव लड़त रहिस। मतदान खत्म होने के बाद आयातित नेता झोला उठा के चल दिस। भाजपा कार्यालय म सन्नाटा होंगे। प्रदेश के भाजपा के नेता पहली ही अपन हार मान डरे रहिस। प्रदेश के भाजपा आरएसएस के कार्यकर्ता मन घलो मुख्यमंत्री भूपेश बघेल सरकार के बूता ऊपर भरोसा करत हावय। कांग्रेस के घोषणा पत्र ले भाजपा सँग जुड़े किसान अउ युवा घलो प्रभावित हे अउ ओहर कांग्रेस ऊपर भरोसा करे हावय।

प्रदेश कांग्रेस अध्यक्ष अउ सांसद दीपक बैज ह कहीस की भाजपा ह पूरा चुनाव के दौरान अफवाह फइलाये के बूता करे हे, झूठ बोल के राजनीति के ही अउ जनता भाजपा के झूठ ल दरकिनार कर के प्रदेश ल ऊंचाई म ले जाए वाले कांग्रेस सरकार ऊपर भरोसा करे हावय, सरकार के बूता ऊपर भरोसा करीस अउ ३ दिसंबर के फेर कांग्रेस के सरकार बनही अउ जनता ले करे गे सबो वादा ल पूरा करही प्रदेश के खुशियली म चार चांद लगही अउ देश म छत्तीसगढ़ सबले ज्यादा विकसित खुशहाल अउ समृद्ध राज्य के रूप म जाने जाही।