छत्तीसगढ़ राज्य के मुख्यमंत्री माननीय भूपेश बघेल जी ह छत्तीसगढ़ के सांस्कृतिक विरासत ल आगु बढ़ाये के बूता करे हे ओहर देवारी के बेरा म छत्तीसगढ़ के मात्रीशक्ति मन ल सबो बछर १५००० रूपए छत्तीसगढ़ लक्ष्मी समृद्धि योजना के तहत दे के घोषणा करे हावय,ये मात्रीशक्ति बर एक वरदान हे,ये गोठ महन्त रामसुन्दर दास जी महाराज ह कहीस। ओहर कहीस की – यदि कोनो परिवार म एक महिला हे तो ओला १बहत म ₹१५००० रूपए मिलही, ये राशि ओकर खाता म जाही अगर कोनो परिवार म ५ या ७ फेर ओकर ले अउ ज्यादा महिला हे त ओ परिवार ल ७५००० नगद राशि मिलही।
अउ अगर ५ महिला हे त ओ परिवार ल ७५००० रु राशि मिलही। छत्तीसगढ़ के रहवइया मन ल कल्याण बर मुख्यमंत्री जी ह ये योजना के घोषणा करे हे।आप सबो झन मिल के कांग्रेस ल बिजयी बनावव। भूपेश जी ह जतेक भी घोषणा करे रहिस ओला प्रायः पूरा करे हावय, अवइया बेरा म ओ अपन बात म खरा साबित होही । ओहर कहिस की यदि मोला रायपुर दक्षिण विधानसभा क्षेत्र ले जनता जनार्दन के सेवा करे के अवसर मिलही त इहा के सबो वार्ड म सामुदायिक भवन बनाये जाही ताकि सर्दी, गर्मी अउ बरसात म आम मनखे मन ल सुख-दुख के बूता म परेशान होये ल झन परय। महन्त जी महाराज बिहनिया के बेरा सबो वार्डों म पहुंच के गौरा- गौरी के कार्यक्रम म सम्मिलित होवत हे अउ भगवान भोलेनाथ, माता पार्वती के पूजा अर्चना करत हे.
नगर निगम रायपुर के सभापति प्रमोद दुबे कहीस की, अब भाजपा के रायपुर दक्षिण क्षेत्र के प्रत्याशी के पास एक भी छत्तीसगढ़िया आदमी साथ म नई हे, जउन बचें हे ओ केवल खाता- बही लिखइया मनखे मन हे, ओला अब झंडा लगाए बर मनखे नई मिलत हे । ये बेरा म जिला कांग्रेस कमेटी के सोशल मीडिया प्रभारी समीर पांडे,पार्षद देवेंद्र यादव, सतनाम सिंह पनाग ,ब्लॉक कांग्रेस कमेटी के अध्यक्ष सुमित दास, अब्बास खान, सत्यनारायण नायक, सिद्धार्थ डागा,सचिन धारीवाल, मुकेश सोनी, अधिवक्ता मनोज सोनकर, लालू गोस्वामी,मीडिया प्रभारी निर्मल दास वैष्णव सहित अनेक गणमान्य जन समिलित रहिस।
