क़ौमी उर्दू शिक्षक कर्मचारी संघ डहर ले २९ अकटूबर २०२३ ल ग़ालिब एकेडमी दिल्ली म एक सुग्घर कार्यक्रम के आयोजन करे हे जउन म भारत देश के सबो राज्य मन म उर्दू भाषा अउ अदब,(साहित्य) म नुमाया बूता करइया वाले १०० शिक्षक मन के छाटे हावय, ओला छत्तीसगढ़ प्रदेश ले एक मात्र उर्दू शिक्षक ओ,,आर,, कुरैशी शा,बहु,,उ,,मां,, विद्यालय पेंड्रा जिला गौरेला पेंड्रा मरवाही के घलो चुनई होये हावय अउ श्री कुरैशी के डहर उर्दू के क्षेत्र म करे जावत बूता मन के सराहना घलो करे गिस अउ ओकर बूता ले प्रभावित होके क़ौमी उर्दू शिक्षक कर्मचारी संघ ह कुरैशी ल दिल्ली बुला के गोल्ड मेडल, मोमेंटो अउ प्रमाण पत्र देके सम्मानित करिस।
कुरैशी पूरा छत्तीसगढ़ प्रदेश म एक मात्र शिक्षक हे जउन गोल्ड मेडल ले संघ सम्मानित करे हावय।ये हमर जिला बर गुमान के बात आय येकर बाद घलो श्री कुरैशी के शिक्षकीय बूता ले प्रभावित होके छ,ग, राज्य उर्दू एकेडमी रइपुर अउ छ,ग, मदरसा बोर्ड डहर घलो प्रदेश स्तर म रइपुर बुला के सम्मानित कर डरे हावय। कौमी उर्दू शिक्षक कर्मचारी संघ के राष्ट्रीय अध्यक्ष जनाब चौधरी वासिल अली गुर्जर के द्वारा येला गोल्ड मेडल अउ प्रमाण पत्र अउ मोमेंटो भेंट दे गिस।
प्रोग्राम म मुख्य अतिथि मन म इलाहाबाद विश्वविद्यालय के विभाग प्रमुख मोहतरमा स्वालेहा राशिद ,, जामिया मिल्लिया वि,वि, दिल्ली के डा,सैफ अली चौधरी,, दिल्ली कैंसिल के अध्यक्ष डॉ, अब्दुल मालिक मुगेशी अउ मौलाना आजाद वि वि हैदराबाद के प्रोफेसर जनाब मुश्ताक पटेल अउ सबो राज्य मन के शिक्षक के उपस्थिति म ये सम्मान दे गिस। जेकर ले पूरा जिला अउ प्रदेश गौरवान्वित होइस।
