रायपुर। छत्तीसगढ़ म महिला मन के संग बाढ़त अपराध अउ गैंगरेप के घटना ल लेके भाजपा के प्रदेस अध्यक्ष अरुण साव के नेतृत्व म एक प्रतिनिधिमंडल ह राज्यपाल बिस्वभूषण हरिचंदन ले मुलाकात करिन अउ ए कोती राज्य सरकार के ध्यान आकृष्ट कराय बर ज्ञापन सौंपिन। ए बेरा प्रदेश अध्यक्ष अरुण साव ह राज्यपाल ले कहिन कि, छत्तीसगढ़ म महिला मन के संग अपराधिक घटना बाढ़त जात हे।
राज्य म बाढ़त अपराध, हत्या, लूट, बलात्कार के घटना ले आम जनता दहशत म हे। अइसे लागत हे जइसे राज्य म अपराधी मन के साम्राज्य स्थापित हो चुके हे। अपराधी जब चाहे, जिहां चाहें कहूं भी महिला अउ युवती मन के संग बेधड़क अपराधिक वारदात ल अंजाम देवत हे। अपराधी मन के पुलिस के गिरफ्त ले बाहर होना, अपराधी मन ऊपर कड़ा कार्रवाई नइ होना छत्तीसगढ़ के कांग्रेस सरकार अउ पुलिस प्रशासन के मंसा ऊपर प्रश्न चिन्ह खड़ा करत हे।
ज्ञापन सौंपने वाला म अरुण साव के अलावा छग भाजपा प्रदेश प्रभारी ओम माथुर, पूर्व मुख्यमंत्री डां.रमन सिंह, भाजपा राष्ट्रीय उपाध्यक्ष एवं सांसद सरोज पांडेय, रायपुर सांसद सुनील सोनी, विधायक बृजमोहन अग्रवाल, धरमलाल कौशिक, पूर्व मंत्री पुन्नूलाल मोहिले सहित भाजपा के कई वरिष्ठ नेता मन उपस्थित रहिन।
