रायपुर । प्रदेश कांग्रेस प्रवक्ता वंदना राजपूत ह भाजपा सरकार के नवा शराब नीति म जम के हमला करत कहीस की हवाई अड्डा म घलो शराब के अड्डा बनाये बर जावत हे। भारतीय जनता पार्टी के सरकार के सिर्फ एक ही लक्ष्य हे कि शराब के बिक्री ज्यादा ले ज्यादा करइ अउ २०२४-२५ म करीब ११००० करोड़ ले ज्यादा राजस्व मिलय। पूर्ववर्ती भाजपा के १५ बछर के सरकार म जउन दौर रहिस उही फेर लहुटत हे।
छत्तीसगढ़ के भोली भाली जनता ल नशा के गर्त म ढ़केले के पूरा इंतजाम करे जावत रहीस। राज्य सरकार के डहर। अब भारतीय जनता पार्टी के नेत्रियों महिला मन के फिकर नई होवत हे। दारू ले महिला मन ऊपर कतेक अत्याचार, अनाचार, बलात्कार होथें अब येकर चिंता नई होवत हे, पति दारू पिके पत्नील, लइका मन ल मारथे पिटथे अउ दारू के सेती ही पूरा घर बर्बाद हो जाथें अब येकर चिंता भारतीय जनता पार्टी के नेत्रियों मन ल नई। भाजपा के नेता मन ह गिरगिट के जइसन रंग बदले के कला खूब आथे।
प्रदेश कांग्रेस प्रवक्ता वंदना राजपूत ह कहीस की भारतीय जनता पार्टी महिला हितैषी कभु भी नई रहे हे। अगर महिला मन अउ ओकर परिवार के फिकर होतिस त ज्यादा ले ज्यादा दारू बेच के अपन जेब भरे के गोठबात कभु नई करतिस।। भारतीय जनता पार्टी यदि जनता ल ₹५ देथे त जनता के जेब से ₹२० निकाल लेथें।
प्रदेश कांग्रेस प्रवक्ता वंदना राजपूत ह कहीस की पूर्ववर्ती कांग्रेस सरकार ह ५ बछर म शराबबंदी ल लेके जउन तत्परता ले बुता करे हे जेकर कारण १०० शराब के दुकानें बंद होईस, बार बंद होईस, शराबबंदी ल लेके घेरिभेरी सामाजिक जागरूकता फैलाये म राज्य सरकार ल अड़बड़ ही सफलता मिलिस फेर वर्तमान म फेर भाजपा के सरकार ह पूर्ववर्ती कांग्रेस सरकार के मेहनत ल पानी फेरत हे।
प्रदेश कांग्रेस प्रवक्ता वंदना राजपूत ह कहीस की पूर्ववर्ती कांग्रेस सरकार के ५ बछर म शराबबंदी ल लेके पानी पी पी के भारतीय जनता पार्टी के नेता कोसत रहीस अउ शराबबंदी के गोठबात करत रहीस की शराब सामाजिक बुरई हे कतेक नेता मन ह ये घलो कहीस की भारतीय जनता पार्टी के सरकार आये ले शराबबंदी हो सकत हे फेर भारतीय जनता पार्टी के सरकार बनते ही शराब के प्रति सुर ताल अलग होगे हे अवसरवादी राजनीति करइया भाजपा नेता अब कहत हे कि ’’कुछू भी बाचे नई हे कहे के सबो बात होंगे हे आवव कहु दारू पीबों भाजपा के सरकार आगे“।
