बृजमोहन अग्रवाल ह पार्टी कार्यकर्ता मन ल समझाइस बूथ मैनेजमेंट

भाजपा कार्यकर्ता मन ह बृजमोहन अग्रवाल ल प्रचंड मत ले जितवाये बर किरिया खाइस

रायपुर .भारतीय जनता पार्टी पंचायत ले लेके लोकसभा चुनाव तक कोनो भी कमतर नई आँकय। तेकर सेती पार्टी सबो चुनाव ल अपन पूरा ताकत के संग लड़ते। पार्टी १२ महीना २४ घंटे सातों दिन चुनाव बर तइयार रहिथें। पार्टी के एक-एक कार्यकर्ता कोनो सैनिक ले काम नई हे, जउन यशस्वी प्रधानमंत्री श्री नरेंद्र मोदी जी के नेतृत्व म देश, धर्म अउ संस्कृति के रक्षा बर हमेशा तइयार खडे हे।
ये गोठ मंगलवार के छत्तीसगढ़ सरकार के वरिष्ठ मंत्री अउ रायपुर लोकसभा ले भाजपा प्रत्याशी श्री बृजभान अग्रवाल ह भाटापारा म मंडल बईठक के बेरा कहीस।
ये बईठक के आयोजन निपनिया मंडल, भाटापारा नगर मंडल, भाटापारा ग्रामीण अउ सिमगा मंडल म करे गे रहीस। ये बईठक म लोकसभा चुनाव म भाटापारा विधानसभा क्षेत्र म बढ़िया बूथ प्रबंधन रहीस।
ये बेरा म श्री अग्रवाल ह मंडल पदाधिकारी अउ कार्यकर्ता मन ल संबोधित करत कहीस की भाजपा के एक-एक कार्यकर्ता कोनो सैनिक ले कम नई हे जउन केवल पार्टी ही नई बल्कि श्री नरेंद्र मोदी के नेतृत्व म एक नवा भारत के निर्माण बर बुता करना हे। ओहर कहीस की पहिली के बेरा म पालिका चुनाव ले लेके लोकसभा चुनाव तक मुख्य मुद्दा नाली, सड़क, बिजली अउ पानी के रहीस।
फेर पाछु १० बछर म श्री नरेंद्र मोदी ह देश के दशा अउ दिशा दोनों बदल दीस। आज ग्रामीण इलाका तक म गरीब मन ल पक्का मकान, नल जल योजना ले जल, २४ घंटे बिजली मिलत हे। जेकर ले ग्रामीण इलाका मन म लइका मन के शिक्षा बर बढ़िया बखत मिलत हे।
श्री अग्रवाल ह कार्यकर्ता मन ल संबोधित करत कहीस की आज स्वतंत्र भारत के इतिहास म पहली बार होये हे हमन ह महिला मन ल आत्म सम्मान के संग ही ओमन ल आत्मनिर्भर घलो बनाये जावत हे। महतारी बंधन योजना के तहत मोदी जी ह महिला मन ल प्रति महीना ₹१००० दे के शुरुआत कर डरे हे। महिला मन म आर्थिक आजादी घलो आही ओमन ल दूसर के ऊपर निर्भर नई रहे ल परय।
अइसे म भारतीय जनता पार्टी के कार्यकर्ता मन के ये जिम्मेदारी हे कि ओ मोदी जी के इही बुता ल लेके जनता के बीच म जावव अउ ओमन ल कमल के फूल ल वोट देके मोदी जी ल मजबूत बनाये के गोहार करव।

@दुनियाभर म भारत के डंका बाजत हे बृजमोहन अग्रवाल

श्री अग्रवाल ह कहीस की आज दुनिया भर म भारत के डंका बाजत हे भारत एक रप्तार ले उभरत हे अर्थव्यवस्था हे।
विकसित छत्तीसगढ़ अउ विकसित भारत बर कार्यकर्ता जनता ले भाजपा ल वोट दे बर अपील करय।।
कार्यकर्ता मन ल बूथ स्तर म मतदाता मन ले सीधा संपर्क करे ल परही। ओमन ल पार्टी के विचार अउ कार्योजना मन के बारे म जानकारी दे ल परही। जेकर बर सबो कार्यकर्ता मन ल समय निकाल के जन संपर्क करे ल परही।
ओहर महिला कार्यकर्ता मन ले कहीस की, एक महिला दूसरी महिला के गोठबात ल बढ़िया ढंग ले सुनथे अउ समझथे। तेकर सेती महिला कार्यकर्ता मन ह पूरा तइयारी के संग महिला मतदाता मन के बीच जावय अउ कमल के फूल बर वोट माँगय।
पत्रकार मन ले गोठ करत बृजमोहन अग्रवाल ह कहीस की ये मीटिंग मंडल स्तर अउ बूथ स्तर के कार्यकर्ता मन ल दिशा निर्देश दे बर कहीस। रायपुर लोकसभा चुनाव जीते बर, कार्यकर्ता मोदी जी के जउन गारंटी पूरा होये हे ओला घर घर तक पहुंचावय। भारतीय जनता पार्टी रायपुर लोकसभा सीट ज्यादा ले ज्यादा मत ले जीतय इही विषय म गोठबात होईस अउ बुता के योजना बनाइस। मोदी जी के विचार अउ बुता ले आज पूरा देश प्रभावित होवत हे येकरे परिणाम हे। देश भर म लोग कांग्रेस के हाथ छोड़ के भाजपा के दामन थामें बर आगू आवत हे।
बईठक म संघरे कार्यकर्ता मन ले बृजमोहन अग्रवाल ल भाटापारा विधानसभा क्षेत्र ले एक लाख ले ज्यादा मत म जीत देवाये के किरिया खाइस।
बईठक म पुराना विधायक श्री शिव रतन शर्मा, देवजी भाई पटेल, सनम जांगड़े, जिला मंत्री महाबल बघेल सुनील मिश्रा, निपनिया मंडल अध्यक्ष धनीराम साहू,भाटापारा ग्रामीण मंडल अध्यक्ष डबलू सिंह ठाकुर, सिमगा मंडल अध्यक्ष केजु राम बघेल, भाटापारा नगर मंडल अध्यक्ष मनिंदर सिंह गुम्बर, सुरेश यदु , पवन वर्मा, कांति आडिल समेत जिला पंचायत सदस्य कविता देवांगन, पार्षद अउ मंडल पदाधिकारी संघरे रहीस।
ये बेरा म बृजमोहन अग्रवाल के संघरई म सरपंच समेत बड़का संख्या म कांग्रेसी अउ दूसर मनखे मन ह भाजपा के सदायस्ता ग्रहण करिस।।