रायपुर। हिदायतुल्लाह नेशनल लॉ यूनिवर्सिटी (एचएनएलयू) रायपुर के सप्तम दीक्षांत समारोह आज नवा रायपुर म उच्चतम न्यायालय अउ हिदायतुल्लाह नेशनल लॉ यूनिवर्सिटी के कुलाध्यक्ष न्यायमूर्ति अनिरूद्ध बोस के मुख्य आतिथ्य म आयोजित होइस। ये अवसर म उच्चतम न्यायालय के न्यायमूर्ति प्रशांत कुमार मिश्रा विशिष्ट के रूप म संघरे रहीस।
ये समारोह विश्वविद्यालय के वैधानिक समिती के सदस्य मन ह, वाईस-चांसलर अउ डीन्स डहर अकादमिक प्रोसेशन के सँग शुरुआत होइस। छत्तीसगढ़ उच्च न्यायालय के मुख्य न्यायाधीश अउ एचएनएलयू के कुलपति न्यायमूर्ति रमेश सिन्हा ह कार्यक्रम म छात्र मन ल डिग्री प्रदान कीरिस। कार्यक्रम म न्यायमूर्ति संजय के. अग्रवाल, न्यायाधीश, उच्च न्यायालय, छत्तीसगढ़, अउ न्यायमूर्ति पी. सैम कोशी, न्यायाधीश, उच्च न्यायालय, तेलंगाना, न्यायमूर्ति जी. रघुराम, पुराना निदेशक, राष्ट्रीय न्यायिक अकादमी, भोपाल के गरिमामयी उपस्थिति रहीस।
अतिथी मन डहर दीक्षांत समारोह म बीएएलएलबी ऑनर्स के १५० छात्र, ल एल.एल.एम. प्रोग्राम के ९० छात्र मन ह डिग्री दे गिस। इही प्रकार ४ पीएच.डी. स्कॉलर्स ल डॉक्टर ऑफ फिलॉसफी (पीएचडी) के डिग्री प्रदान करे गिस।
मुख्य अतिथि न्यायमूर्ति अनिरुद्ध बोस ह समारोह के दीक्षांत सम्बोधन म विधि कानूनी शिक्षा के क्षेत्र म होवत नवा बदलाव ऊपर प्रकाश डालिस। ओहर विधि क्षेत्र म महिला मन अउ छात्रा मन ही बढ़त सहभागिता अउ प्रभाव म ख़ुशी जाहिर करिस। ओहर विभिन्न कैरियर अवसर जइसन जुडिशरी शिक्षण, रिसर्च कोनो लॉ फर्म सबो के बारे म विस्तार ले जानकारी दीस। ओहर कहीस की विधि क्षेत्र म सफलता के एक मात्र सूत्र परिश्रम आय। ओहर डिग्री अर्जित करइया स्टूडेंट्स ल उज्जवल भविष्य के शुभकामना दीस।
दीक्षांत कार्यक्रम म विशिष्ट शिक्षाविद विशेषकर प्रो. (डॉ.) रणबीर सिंह, प्रो-चान्सलर, आईआईएलएम विश्वविद्यालय, प्रो. (डॉ.) आर. वेंकटा राव, निदेशक, इंडिया इंटरनेशनल यूनिवर्सिटी ऑफ लीगल एजुकेशन एंड रिसर्च, गोवा, प्रो. (डॉ.) परमजीत जसवाल, कुलपति, एसआरएम यूनिवर्सिटी, सोनीपत, प्रो. (डॉ.) विजेंद्र कुमार, कुलपति, एमएनएलयू, नागपुर, प्रो. (डॉ.) निष्ठा जसवाल, कुलपति, एचपीएनएलयू शिमला, प्रो. (डॉ.) एस. शांताकुमार, निदेशक, जीएनएलयू, गांधीनगर घलो ये समारोह म संघरे रहिस।
दीक्षांत समारोह म १२ स्नातक अउ २ स्नातकोत्तर छात्र मन ल ओकर अद्वितीय अकादमिक उपलब्धियों हेतु ३६ स्वर्ण पदक प्रदान करे गिस।ये पद ल चांसलर स्वर्ण पदक, विश्वविद्यालय स्वर्ण पदक, छत्तीसगढ़ राज्य बर कौंसिल स्वर्ण पदक, स्वर्गीय कमल नारायण शर्मा स्वर्ण पदक, स्वर्गीय श्रीमती शांति देवी अग्रवाल स्मारक स्वर्ण पदक, विद्याधर मिश्र स्मारक स्वर्ण पदक, दिनेश प्रसाद श्रीवास्तव स्मारक स्वर्ण पदक, स्वर्गीय हमीदुल्लाह खान पूर्व एमएलए कबीरधाम स्वर्ण पदक, स्वर्गीय के.पी. मुंशी स्वर्ण पदक, सैयद वाकिल अहमद रिज़वी स्वर्ण पदक जइसन मन प्रतिष्ठित पदक संघरे रहिस।
एलएलएम डिग्री प्राप्तकर्ता मन के उल्लेखनीय प्रियेश पाठक, जेकर शैक्षणिक उत्कृष्टता अउ दृढ़ संकल्प के साधुवाद करत छत्तीसगढ़ उच्च न्यायालय के मुख्य न्यायाधीश अउ कुलाधिपति न्यायमूर्ति रमेश सिन्हा ह मंच ले नीचे उतर के प्रियेश ल डिग्री प्रदान कीरिस।
विश्वविद्यालय दीक्षांत समारोह म एचएनएलयू जर्नल ऑफ़ लॉ एंड सोशल साइंसेज, वॉल्यूम IX अउ एचएनएलयू गजेट (उद्घाटन संस्करण) के मंच ऊपर आसीन गणमान्य मन के डहर विमोचन करे गिस।समारोह के समापन राष्ट्रगान के प्रस्तुति अउ ओकर बाद रिवर्स अकादमिक प्रोसेशन के सँग होइस। कुलपति प्रो. वी सी विवेकानंदन ह सभा म उपस्थित सबो आगंतुकों के स्वागत करिस अउ वार्षिक रिपोर्ट प्रस्तुत करिस जउन म विश्वविद्यालय के विभिन्न उपलब्धिय अउ आगामी योजना मन ऊपर विशेष प्रकाश डाले गिस।
पूरा दीक्षांत समारोह ल एचएनएलयू यूट्यूब चौनल म लाइव स्ट्रीम करे गिस, जउन म ज्यादा संख्या म मनखे मन के भागीदारी सुनिश्चित करे गिस। दर्शक ये लाइव स्ट्रीम ल https://youtube.com/live/bxb6l5qIsvc?feature=share लिंक पर देखा जा सकता है।
