पिछली बार ले शिक्षा लेवत ये बार कतको विधायक प्रत्याशी अभी के लाबिंग करे म जुट गए हे

रायपुर । २०१८ के विधानसभा चुनाव म कांग्रेस ल मिलय भारी बहुमत ह विजयी होइस बहुत ले कांग्रेस के विधायक मन महत्वाकांक्षा मन ल अधूरा कर दे हावय। मुख्यमंत्री के एक ही पद हे, मंत्रि मन के संख्या घलो सीमित (कुल १२ पद) हे। तेकर सेती कतको वरिष्ठ विधायक तक के नाम के आगु ‘मंत्री’ नई लग पाये रहीस। पाछु दरि ले शिक्षा लेवत ये बार कतको विधायक प्रत्याशी अभी ले लाबिंग करने म जुट गे हावय। रायपुर म पार्टी नेता मन के बंगला ऊपर करको प्रत्याशिय मन ह डेरा जमा ले हावय। दिल्ली म पार्टी हाईकमान के पास उठे-बइठे वाले नेता मन ले घेरीभेरी संवाद कर के अपन मंत्री बने बर जुगाड़ करे के जोर लगावत हे।

कहे जावत हे की वरिष्ठ प्रत्याशिय मन के सँग, दूसर बार चुनाव जीते के आशा लेके बइठे प्रत्याशी मंत्री पद ले नीचे समझौता ही नई करना चाहत हे। सबले ज्यादा लाबिंग इहि प्रत्याशी करत हे। कांग्रेस के सँग ही भाजपा प्रत्याशिय के घलो इहि दशा हे। उहाँ घलो जीते ले पहिली मंत्री पद के जुगाड़ करइया प्रत्याशी के भीड़ हे। पहिली बात टिकिट के रहिस। कहु डहर ले टिकिट मिलिस त प्रत्याशी प्रचार म भिड़ गे हावय। अब मतदान हो चुके हे। तीन दिसंबर के ये तय होही की काखर सपना ह उड़त हे।फेर बात अब विधायक पद ले आगु बढ़त जावत हे,

भाजपा-कांग्रेस के विधायक प्रत्याशी मंत्री बने बर अभी ले अपन पूरा जोर लगावत हे। माने इहि जावत हे की यदि पाछु दरि कोनो दल एकतरफा सीट नई मिलय त कतको वरिष्ठ मन ल मंत्री पद के सुख मिल पाही विशेष रूप ले कांग्रेस के विधायक प्रत्याशी ये गुणा-भाग म जुटे हे कि अभी ले मंत्री पद बर वरिष्ठ नेता मन के सहमति ले जाही। परिणाम आ गे हावय तब विधायक मन ल बहुत अकन समीकरण के आधार म मंत्री बनाये जाही। तब नंबर लगय या फेर झन लगय, तेकर सेती अभी ले प्रयास शुरू कर दे हावय।

दिग्गजों के घर पर रात तक बैठक

राजधानी म राजनीतिक के दिग्गज के बंगला म रात तक बईठक चलत रहीस। कभी रात्रि भोजन के बहाना म तो कभू अनौपचारिक मुद्दा ल लेके पार्टी के प्रमुख ले प्रत्याशी मुलाकात करत हे। कुछ प्रत्याशि मन ह बंगला म ही शक्ति प्रदर्शन कर दिस। ओ अपन आप ल बड़े नेता मन के करीबी बतावत हे। साथ ही ये समीकरण समझाये के कोशिश करत हे कि चुनाव जीते के बाद ओ पार्टी ल कतेक बड़े फायदा पहुंचाही। कुछ बागिया के उदाहरण घलो येकर बैठक मन म संघेरत हे

कांग्रेस के समीक्षा बईठक म रायशुमारी, सरकार बनाये के दावा

कांग्रेस के समीक्षा बईठक म प्रत्याशि मन ले सीधा जीत-हार ऊपर चर्चा जारी हे।इहा प्रदेश प्रभारी कुमारी सैलजा प्रत्याशी मन ले बातचीत कर के इहि बहाना प्रदेशभर के विभिन्न जिल्ला ले आए नेता अउ प्रत्याशि मन ह घलो इहा बड़े नेता मन ले मिले के बहाना खोजत रहिथे।

सूत्रों के अनुसार, कुमारी सैलजा ह बीते दिन म ९० प्रत्याशि मन ले वन-टू-वन गोठियाईस ये सीट मन म का अंतर कम-ज्यादा होइस। फिर भी कांग्रेस ह दावा करिस की सरकार दुबारा बनही।

भाजपा ह मानिस-बदलाव तय

येति, प्रत्याशि मन ले अंदरुनी चर्चा के बाद भाजपा ह घलो सरकार बनाये के दावा करिस। सीट ल लेके पार्टी स्पष्ट रूप ले कहे के स्थिति म नई हे, फेर भाजपा प्रत्याशि मन ह प्रदेश म बदलाव के संभावना तलाशत पार्टी के राष्ट्रीय अउ संगठन के नेता मन ले नजदीकियां बढ़ावत हे। बीते दिन म बस्तर, दुर्ग, सरगुजा अउ रायपुर संभाग के प्रत्याशि ह राजधानी म बड़े नेता मन ले मुलाकात करीस।इहा चर्चा के दौरान भाजपा ह छत्तीसगढ़ म बदलाव के शत-प्रतिशत संभावना जताईस।

कांग्रेस-भाजपा दोनों पार्टियों के नेता सक्रिय

उप मुख्यमंत्री टीएस बाबा के बंगल्ला म कतको प्रत्याशिय मन के आना-जाना जारी हे। कांग्रेस प्रदेशाध्यक्ष दीपक बैज खुद मंत्री पद के दौड़ म बताये जावत हे। ओकर रहवास म बस्तर डहर के प्रत्याशि मन के तांता लगे हे। येकर सँग ही प्रदेश प्रभारी कुमारी सैलजा ले मिले बर कार्यकर्ता कतार म हे बस्तर ले दंतेवाड़ा प्रत्याशी व स्व. महेंद्र कर्मा के लइका छविंद्र कर्मा सहित अन्य प्रत्याशी मोहन मरकाम, संतराम नेताम रायपुर आ चुके हे। बिलासपुर संभाग ले जशपुर कांग्रेस प्रत्याशी विनय कुमार भगत, पत्थलगांव ले रामपुकार सिंह राजधानी म हे।

उहि, भाजपा प्रत्याशी रायमुनि भगत, विष्णुदेव साय, गोमती साय के रायपुर दउड़ा कर डरे हे। भाजपा म ज्यादातर प्रत्याशी राष्ट्रीय उपाध्यक्ष डा. रमन सिंह अउ प्रदेशाध्यक्ष अरुण साव ले संपर्क साधे म लगत हे। कोंडागांव प्रत्याशी अउ पूर्व खेल मंत्री लता उसेंडी सहित नारायणपुर प्रत्याशी अउ पूर्व शिक्षा मंत्री केदार कश्यप, बीजापुर प्रत्याशी व पूर्व मंत्री महेशा गागड़ा लाबिंग म जुट चुके हे। कुरूद ले भाजपा प्रत्याशी अउ पूर्व मंत्री अजय चंद्राकर राजधानी म डटे रहिस। धमतरी प्रत्याशी रंजना साहू सहित धमतरी ले कांग्रेस प्रत्याशी ओंकार साहू, सिहावा ले अंबिका मरकाम, कुरूद ले तारिणी चंद्राकर के रायपुर दौरा कर डरे हे। मतगणना के पहली दुनो पार्टि के मन ह प्रमुख प्रत्याशिय के बड़े बईठक रायपुर म होवइया हे। वरिष्ठ कांग्रेसी नेता स्व. मोतीलाल वोरा के लइका अउ दुर्ग ले कांग्रेस प्रत्याशी अरुण वोरा के घलो रायपुर म घेरीभेरी दौरा हे।