कवर्धा। कृषि विभाग म ७९.४४ लाख रुपए घोटाला करे जाए के खबर आवत हे। शिकायतकर्ता के शिकायत ऊपर छत्तीसगढ़ राज्य बीज प्रमाणीकरण संस्था रायपुर, संचालनालय कृषि छत्तीसगढ़ ह संज्ञान लेवत प्रभारी उपसंचालक राकेश शर्मा ल पत्र जारी कर के शिकायत कीरिस जांच बर १२ बिंदु म जानकारी उपलब्ध कराये के लेख करिस। सूत्र मन ले प्राप्त जानकारी अनुसार कृषि विभाग ल पत्र प्राप्ति के बाद विभाग म खलबली मच गे। ये पत्र विभाग म चर्चा के विषय बना हुआ है। कई और भी घोटाले का पोल खुलने और विभाग के कई अन्य अधिकारी कर्मचारी पर कार्यवाही होने की बात कही जा रही है।
कबीरधाम के प्रभारी उपसंचालक कृषि राकेश शर्मा पर ८० लाख रुपए फर्जी भुगतान कर के राशि गबन करे के आरोप लगे हे। शिकायतकर्ता ह प्रमाणित दस्तावेज के सँग अपन शिकायत म आरोप लगाये हे की राष्ट्रीय खाद्यान्न सुरक्षा मिशन योजना म नींदानाशक दवाई वितरण के आड़ म एक निजी दुकान फर्म “सृष्टि ऑर्गेनिक” के सँग सांठ गांठ कर के फर्जी बिल लगा के ७९.४४ लाख के भुगतान कर के रकम के बंदरबाट करिस।
शिकायतकर्ता ह प्रभारी उपसंचालक राकेश शर्मा ऊपर भ्रष्टाचार के आक्षेप लगावत कृषि उत्पादन आयुक्त अउ सचिव, छत्तीसगढ़ शासन कृषि विभाग के शिकायत प्रस्तुत करीस। ओहर आक्षेप लगाये गिस राष्ट्रीय खाद्यान सुरक्षा मिशन योजना के तहत निंदानाशक दवाई वितरण बर ५०% का कृषक अंश बीज निगम म जमा करा के दवा के वितरण बीज निगम ले घलो कराये जा सकत हे। बीज निगम म दवा उपलब्ध होये के बावजूद निगम ल बगैर अनुमति निजी फर्म ले क्रय कर के भुगतान करे बर संदेह पैदा करत हे।
शिकायतकर्ता ने आरोप लगाये गे रहीस अधिकारी के डहर २००% के अनुदान भुगतान करे गे हावय, जबकि योजना के तहत शासन अउ कृषक के ५०%-५०% के अंश सम्मिलित रहिथे, योजना के तहत कृषक मन ले ३९.७२लाख रुपए कृषक अंश के रूप म जमा करा के शासन ल कुल ७९.४४ लाख रुपए के दवा क्रय के भुगतान बीज निगम माध्यम ले करे जाए के हे।
ओहर आरोप लगाइस कि प्रभारी कृषि अधिकारी ह निजी फर्म ले दवा क्रय करे बर बीज निगम ले एनओसी नई लिस। निम्न गुणवत्ता के दवा क्रय त करे गिस कोनो किसान ल वितरण नई करे गिस। अधिकारी द्वारा दवा क्रय करे बर कोनो भी टेंडर जारी नई करे गे हावय।
शिकायतकर्ता ह बताइस कृषि विभाग ले सूचना ले अधिकार के तहत प्राप्त जानकारी म अधिकारी ह उक्त योजना के तहत ३९.७२ के बिल के दवा क्रय करे के दस्तावेज उपलब्ध कराये गिस जबकि अधिकारी ह क्रय ले ज्यादा यानि डबल ७९.४४ लाख रुपए के अवैध भुगतान करे गिस।
प्राप्त बिल म दवा क्रेता कृषक ल बताइस की दवाई के डिलीवरी SADO स.लोहारा ल करे जाए बर बताये गे हावय। योजना के तहत कृषक द्वारा दवा क्रय कर बिल खुद विभाग ल प्रस्तुत कर के भुगतान संबंधित फर्म ल करे जाए बर विभाग ल निवेदन करय या नगद क्रय कर अनुदान के राशि के भुगतान कृषक के खाता म करे के प्रावधान हे। उक्त प्रक्रिया के पालन नई करें गे हावय। सीधा अधिकारी द्वारा फर्म ले बिल लेके भुगतान कर दे हावय।
ओहर आरोप लगावत बताइस की ये योजना मन के तहत पूरा कबीरधाम जिला के कृषक मन ल योजना के लाभ दे जाये बर रहिस।फेर अधिकारी मन डहर मनमानी करत केवल स.लोहारा विकासखंड के कृषक मन ल लाभ दे गिस जउन संदेहास्पद हे। प्राप्त बिल म दवा क्रय के तिथि ०१ जून २०२३ बताये गे हावय जबकि सबो भुगतान १५ जून २०२३ के ही कर दे रहीस। योजनांतर्गत दवा वितरण के २५-३० दिन बाद कृषक मन ले दवा के संबंध म फीडबैक ले के प्रावधान हे कि दवा के गुणवत्ता कइसे हे येकर बाद भुगतान करे के प्रावधान हे। फेर अधिकारी द्वारा कृषक मन ले बिना फीडबैक ले बर ही भुगतान करे जाही संदेह के श्रेणी म आथे।
उपसंचालक कृषि राकेश शर्मा कुछ बेरा पूर्व शासकीय वाहन के दुरुपयोग मामला म सुर्खियों म रहीस। मीडिया म शासकीय वाहन के निजी उपयोग करे के मामला उजागर होये रहीस। शासकीय वाहन के चाय के टपरी म खड़ा होना अउ अवकाश के दिन म वाहन के प्रयोग कर के चाय टपरी म चाय अउ सिगरेट के चस्का लेना विवाद म रहीस।
सरकार परिवर्तन के बाद अउ कवर्धा के फायर ब्रांड नेता विजय शर्मा के जीत के बाद ये कयास लगाए जावत हे कि जिला समेत प्रदेश म भ्रष्टाचार के विरुद्ध कड़ी कार्यवाही होही। कहु न कहु ये जांच ल घलो मनखे मन के डहर के हिस्सा माने जा सकत हे विजय शर्मा ह चुनाव जीते के बाद तीखे तेवर म भ्रष्ट अधिकारी मन ल सचेत करे रहीस अउ प्रदेश म सुशासन के सरकार आये के बात कहे रहीस। विजय शर्मा के नाम उपमुख्यमंत्री घोषणा होये के तुरंत बाद ही जिला के लोक निर्माण विभाग म भ्रष्टाचार के भेंट चढ़े सड़क निर्माण ल सोशल मीडिया म चलत पोस्टर ऊपर संज्ञान लेवत कार्यवाही के निर्देश दे रहीस ओकर ये कार्यवाही ह संकेत दिस की अब प्रदेश म भ्रष्ट अफसर मन ल घलो नई बख्शा जाही।
