रायपुर के आज़ाद चउक म आम कार्यकर्ता मन ह करिस जम्मो झन मिल के उपास
उपवास म कतको जिला के कार्यकर्ता मन ह संघरिस
दिल्ली के जनता ल सुग्घर शिक्षा अउ स्वास्थ्य के व्यवस्था करवई ही अपराध होगे : वदूद आलम, प्रदेश महासचिव, छत्तीसगढ़
देश के राजनीतिक इतिहास म कभु अइसन नई होये हे जउन भाजपा अभी करत हे : सूरज उपाध्याय, प्रदेश प्रवक्ता
*आज देश म अघोषित आपातकाल
जइसन स्थिति पैदा होंगे हे: उत्तम जायसवाल प्रदेश सचिव आम आदमी पार्टी*
रायपुर, आम आदमी पार्टी के राष्ट्रीय संयोजक अउ दिल्ली के मुख्यमंत्री अरविंद केजरीवाल जी ल ई. डी.द्वारा गिरफ्तार कर के जेल भेज दे हावय ओकर विरोध म पार्टी पदाधिकारी मन अउ सैकड़ों कार्यकर्ता मन ह आज इतवार के रायपुर के आज़ाद चउक म सबो झन मिल के उपास करिस। ये उपास के आयोजन म रायपुर के संग संग अउ कतको जिला के पदाधिकारी अउ कार्यकर्ता घलो संघरिस अउ पदाधिकारी व कार्यकर्ता मन ह मिल के जम्मो झन उपास करिस अउ घेरिभेरी क्रांतिकारी गीत मन ले माहौल बनाइस।।
आम आदमी पार्टी के प्रदेश महासचिव वदूद आलम ह कार्यकर्ता मन ल संबोधित करत कहीस की आम आदमी पार्टी अउ अरविंद केजरीवाल ले भाजपा दर्राये हे काबर की भाजपा के बिदाई होहीच चे। झूठे केस म २ बछर ले सत्येंद्र जैन ल अउ डेढ़ बछर ले मनीष सिसोदिया ल गिरफ्तार कर के रखे हे। अब उही झूठे केस म अरविंद केजरीवाल ल गिरफ्तार कर लीस अउ जेल भेज दिस फेर भाजपा पाछु २ बछर म १ हजार के ऊपर रेड करा डरे हे। डेढ़ हजार अफसर मन के टीम लगे हे ५ रुपये घलो बरामद नई होये हे।
का जनता ल बढ़िया शिक्षा अउ स्वास्थ्य के व्यवस्था मन ऊपर सबो राजनीतिक दल मन के धियान आकर्षित करवाना ही अपराध हो गे ये डहर अन्य पार्टि मन के ध्यान कभु रहिस ही नई येला आम आदमी पार्टी डहर ले ही देश के अंदर एक नवा उम्मीद जागीस केजरीवाल जी ह ही ये डहर आगू गोड़ उठाइस जउन ह येकर बर पिरा के विषय होगिस।
प्रदेश प्रवक्ता सूरज उपाध्याय ह कहीस की देश के राजनीतिक इतिहास म कभु अइसन नई होये हे कि एक राजनीतिक पार्टी के वरिष्ठ नेता मंत्री सब ल जेल भेज दे जावय।
भ्रष्टाचार के विरोध के पृष्ठभूमि ले निकलीस पार्टी जउन ल दिल्ली के जनता ह साफ बहुमत दिस फेर केंद्र के मोदी सरकार ह घेरिभेरी दिल्ली के सरकार ल परेशान ही करिस काबर की देश के जनता ल एक नवा विकल्प के रूप म अरविंद केजरीवाल मिल गे हावय जउन ह देश के दशा अउ दिशा दुनो ल बदल सकत हे येकर ही डर भाजपा ल सतावत हे ये तानाशाही सरकार चलावत हे जेकर जवाब जनता जरूर देही।
उत्तम जायसवाल ह कहीस की भाजपा ल येकर भारी कीमत चुकाये ल परही। अगर ओहर गुनत हे कि अरविंद केजरीवाल ल जेल म बंद करके चुनाव जीत जाही त ये भाजपा के गलतफहमी हे। अरविंद केजरीवाल एक सोच हे जउन ह देश के करोड़ों मनखे मन के भीतरी म रहिथे। मनखे मन ह विरिध6 घलो करही अउ भाजपा के खिलाफ वोट देके येकर सूपड़ा साफ करही।
ओहर कहीस की पूरा देश म क्लियर मैसेज हे कि अरविंद केजरीवाल ह अइसन का कर दिस? एक चवन्नी घलो आज तक बरामद नई हो पाइस। ओकर बावजूद घलो हमर नेता मन ल काबर गिरफ्तार करे जावत हे? मनखे मन ह सवाल पूछत हे? येकर जवाब ल मनखे मन ह अपन वोट के जरिए देही। अब सबके आगू म साफ होंगे कि ये घोटाला के अंदर कुछू नई हे। ये राजनीतिक लड़ाई हे। जउन ल भाजपा एजेंसियों के जरिए लड़ना चाहत हे। कांग्रेस के सबो अकाउंट फ्रीज कर देवई अउ अरविंद केजरीवाल ल जेल म डाल देना, ये लोकतंत्र ल कंप्रोमाइज करे के कोशिश हे। फेर हमन ल न्यायालय ले पूरा उम्मीद हे अउ हमन ह कानून व्यवस्था म विश्वास करइया मनखे आन।
सामूहिक उपास के ये आयोजन म मुख्यरूप ले संघरे पदाधिकारी
वदूद आलम,सूरज उपाध्याय, उत्तम जायसवाल, मुन्ना बिसेन,भानु चन्द्रा,एम एम हैदरी, दुर्गा झा,मेहरबान सिंह, के ज्योति,विजय गुरुबक्षणि,पलविंदर पन्नू,नंदन सिंह, विजय झा, डॉ एस के अग्रवाल, शिव शर्मा, पवन सक्सेना,शीतांशु बैनर्जी, कलावती मार्को,अनुषा जोसफ,राम प्रिय तिवारी,उमेश जंघेल,नरेंद्र ठाकुर,विनोद चंद्राकर, आर एस ठाकुर,कमल नायक,दगेश्वर भारती, प्रदुमन शर्मा,रघुनाथ यादव,थानेंद्र बिसेन,मो काशिफ,राजेन्द्र सिंह, किशोर सोनी,क्षीर सगर,वीरेंद्र पवार,मोहन चक्रधारी,मिथिलेश सिंह,परमानंद जांगड़े, जीतू निषाद,छबिलाल,मनीष,अरविंद शर्मा,संतोष दुबे,अमित हिरवानी,लोकेश,चमन,महेश यादव,सेवाराम साहू,रवि जायसवाल,अन्ना पूर्णा जी ह सामूहिक उपास म भाग लीस।
