छत्तीसगढ़ी भासा के महत्ता अउ विकास बर सुग्घर बइठका रायपुर के होटल एमरोल्ड म आयोजित होइस

पिलेश्वरी साहू/रइपुर

जोहार संगवारी मन ल……29/10/23
“पढ़बों पढ़ाबों छत्तीसगढ़ी बर जुरियाबो” एम ए छत्तीसगढ़ी छात्र संगठन के बैनर तले छत्तीसगढ़ी भासा के महत्ता अउ विकास बर सुग्घर बइठका रायपुर के होटल एमरोल्ड म आयोजित होइस। ऐ कार्यक्रम म प्रशासनिक सेवा,साहित्यिक सेवा, पत्रकारिता,कला जगत अउ एम ए छत्तीसगढ़ी के डिग्री धारिक छात्र/छात्रा मन संघरे रहिन। जउन म एम ए छत्तीसगढ़ी के अध्यक्ष ऋतुराज साहु जी, जेमा बिसेस रूप के माईपहुना प्रोफेसर/भाषाविद चितरंजन कर जी ह भासा के भासाई महत्व के विस्तार ले बताइन अउ श्रीमती सरला शर्मा,रचनाकार रामेश्वर शर्मा,गिरवरदास मानिकपुरी जी, मीर अली मीर जी, आदरणीय बांधे जी अपन सुग्घर सुग्घर रचना के पाठ करीन। लोक गीतकार ईश्वर साहू बंधी अउ मिनेश साहू जी के संग जोशी बहिनी मन के घलो जोरदार प्रस्तुति म छात्र संगठन के लइका मन घलो बढ़ चढ़ के हिस्सा लीन हे। एम ए छत्तीसगढ़ी छात्र संगठन सरलग छत्तीसगढ़ी भासा के महत्ता, उत्थान अउ विकास बर बुता करत हे।

सौभाग्य रीहिस की छात्र संगठन के सदस्य होय के नाते अउ YouTube channel माटी के मया के संयोजक के रूप म लोकेश सेन कार्यक्रम म संघरे रहीस